Qazaqstanda bankter arasyndaǵy tólemdi jeńildetetin biryńǵai QR-kod júiesin engizý merzimi naqtylandy. Bul týraly Ulttyq bank tóraǵasy Timýr Súleimenov málimdedi, dep habarlaidy Dalanews.kz.
Onyń sózinshe, júieni iske qosýdy kózdeitin zań normalary men qaýlylar 19 shildeden bastap kúshine enedi. Osy ýaqytqa deiin barlyq bank atalǵan júiege qosylyp úlgerýi tiis. Qazir qarjy uiymdary tiisti kelisimderge qol qoiyp, tehnikalyq daiyndyq jumystaryn júrgizip jatyr.
"Bul júieniń tezirek iske qosylǵanyn qalaitynym ras. Biraq munda asyǵystyqqa jol joq. Sebebi bul - kriptografiia men tsifrlyq qaýipsizdikke negizdelgen kúrdeli protsess. Ártúrli bank arasynda tólemge qatysty derekter almasady, onyń ishinde jeke málimetter de bar. Sondyqtan eń aldymen tolyq qaýipsizdikti qamtamasyz etýimiz kerek. Áitpese tiimdi joba úlken máselege ainalýy múmkin. Sol sebepti biz bul isti baiyppen júrgizgimiz keledi", - dedi Súleimenov.
Ulttyq bank basshysy belgilengen merzimge deiin talap oryndalmasa, bankterge jaýapkershilik qarastyrylýy múmkin ekenin eskertti.
