قازاقستاندا بانكتەر اراسىنداعى تٶلەمدٸ جەڭٸلدەتەتٸن بٸرىڭعاي QR-كود جٷيەسٸن ەنگٸزۋ مەرزٸمٸ ناقتىلاندى. بۇل تۋرالى ۇلتتىق بانك تٶراعاسى تيمۋر سٷلەيمەنوۆ مەلٸمدەدٸ, دەپ حابارلايدى Dalanews.kz.
ونىڭ سٶزٸنشە, جٷيەنٸ ٸسكە قوسۋدى كٶزدەيتٸن زاڭ نورمالارى مەن قاۋلىلار 19 شٸلدەدەن باستاپ كٷشٸنە ەنەدٸ. وسى ۋاقىتقا دەيٸن بارلىق بانك اتالعان جٷيەگە قوسىلىپ ٷلگەرۋٸ تيٸس. قازٸر قارجى ۇيىمدارى تيٸستٸ كەلٸسٸمدەرگە قول قويىپ, تەحنيكالىق دايىندىق جۇمىستارىن جٷرگٸزٸپ جاتىر.
"بۇل جٷيەنٸڭ تەزٸرەك ٸسكە قوسىلعانىن قالايتىنىم راس. بٸراق مۇندا اسىعىستىققا جول جوق. سەبەبٸ بۇل - كريپتوگرافييا مەن تسيفرلىق قاۋٸپسٸزدٸككە نەگٸزدەلگەن كٷردەلٸ پروتسەسس. ەرتٷرلٸ بانك اراسىندا تٶلەمگە قاتىستى دەرەكتەر الماسادى, ونىڭ ٸشٸندە جەكە مەلٸمەتتەر دە بار. سوندىقتان ەڭ الدىمەن تولىق قاۋٸپسٸزدٸكتٸ قامتاماسىز ەتۋٸمٸز كەرەك. ەيتپەسە تيٸمدٸ جوبا ٷلكەن مەسەلەگە اينالۋى مٷمكٸن. سول سەبەپتٸ بٸز بۇل ٸستٸ بايىپپەن جٷرگٸزگٸمٸز كەلەدٸ", - دەدٸ سٷلەيمەنوۆ.
ۇلتتىق بانك باسشىسى بەلگٸلەنگەن مەرزٸمگە دەيٸن تالاپ ورىندالماسا, بانكتەرگە جاۋاپكەرشٸلٸك قاراستىرىلۋى مٷمكٸن ەكەنٸن ەسكەرتتٸ.
