Ǵalymdar sońǵy shamamen 2,5 ai ishinde alǵash ret Kúnde eń joǵary deńgeidegi qýatty jarylys tirkelgenin málimdedi, dep habarlaidy Dalanews.kz.
Bul týraly juma kúni Resei Ǵylym akademiiasyna qarasty Ǵaryshtyq zertteýler institýty men Kún-jer fizikasy institýtynyń mamandary habarlady.
Zertteýshilerdiń málimetinshe, Máskeý ýaqytymen saǵat 04:07-de Kúnde X2.5 deńgeiindegi jarylys bolǵan. Mamandar bul oqiǵany sońǵy eki jarym aidaǵy eń kúshti qubylys dep baǵalap otyr.
Ǵalymdardyń aitýynsha, jarylys iri plazma laqtyrylýymen qatar júrgen. Alaida onyń Jerge aitarlyqtai qaýip tóndirý yqtimaldyǵy tómen. Boljam boiynsha, plazmalyq bulttyń sheti ǵana planetamyzǵa janasýy múmkin.
Sonymen birge zerthana ókilderi Kún belsendiliginiń báseńdeý belgileri ázirge baiqalmai otyrǵanyn jetkizdi. Osyǵan bailanysty táýlik ishinde taǵy da iri jarylystar bolýy yqtimal.
Aita keteiik, kún jarylystary rentgen sáýlesiniń qarqyndylyǵyna qarai A, B, C, M jáne X sanattaryna bólinedi. M klasy kúshti jarylystar qataryna jatady jáne Jerde radiobailanysqa kedergi keltirip, geomagnittik daýyl týǵyzýy múmkin. Al X klasy eń qýatty deńgei sanalady.
