عالىمدار سوڭعى شامامەن 2,5 اي ٸشٸندە العاش رەت كٷندە ەڭ جوعارى دەڭگەيدەگٸ قۋاتتى جارىلىس تٸركەلگەنٸن مەلٸمدەدٸ, دەپ حابارلايدى Dalanews.kz.
بۇل تۋرالى جۇما كٷنٸ رەسەي عىلىم اكادەميياسىنا قاراستى عارىشتىق زەرتتەۋلەر ينستيتۋتى مەن كٷن-جەر فيزيكاسى ينستيتۋتىنىڭ ماماندارى حابارلادى.
زەرتتەۋشٸلەردٸڭ مەلٸمەتٸنشە, مەسكەۋ ۋاقىتىمەن ساعات 04:07-دە كٷندە X2.5 دەڭگەيٸندەگٸ جارىلىس بولعان. ماماندار بۇل وقيعانى سوڭعى ەكٸ جارىم ايداعى ەڭ كٷشتٸ قۇبىلىس دەپ باعالاپ وتىر.
عالىمداردىڭ ايتۋىنشا, جارىلىس ٸرٸ پلازما لاقتىرىلۋىمەن قاتار جٷرگەن. الايدا ونىڭ جەرگە ايتارلىقتاي قاۋٸپ تٶندٸرۋ ىقتيمالدىعى تٶمەن. بولجام بويىنشا, پلازمالىق بۇلتتىڭ شەتٸ عانا پلانەتامىزعا جاناسۋى مٷمكٸن.
سونىمەن بٸرگە زەرتحانا ٶكٸلدەرٸ كٷن بەلسەندٸلٸگٸنٸڭ بەسەڭدەۋ بەلگٸلەرٸ ەزٸرگە بايقالماي وتىرعانىن جەتكٸزدٸ. وسىعان بايلانىستى تەۋلٸك ٸشٸندە تاعى دا ٸرٸ جارىلىستار بولۋى ىقتيمال.
ايتا كەتەيٸك, كٷن جارىلىستارى رەنتگەن سەۋلەسٸنٸڭ قارقىندىلىعىنا قاراي A, B, C, M جەنە X ساناتتارىنا بٶلٸنەدٸ. M كلاسى كٷشتٸ جارىلىستار قاتارىنا جاتادى جەنە جەردە راديوبايلانىسقا كەدەرگٸ كەلتٸرٸپ, گەوماگنيتتٸك داۋىل تۋعىزۋى مٷمكٸن. ال X كلاسى ەڭ قۋاتتى دەڭگەي سانالادى.
