Qazaqstanda áskerge shaqyrý júiesin reformalaý máselesi qaraldy, dep habarlaidy Dala News.
Qorǵanys ministri Daýren Qosanov tóraǵalyq etken keńeste áskerge shaqyrýdan jaltarýmen kúresti kúsheitý joldary talqylandy. Jiynǵa ádilet, ekonomika, densaýlyq saqtaý jáne tsifrlyq damý salalarynyń ókilderi qatysty.
Negizgi bastamalardyń biri – shaqyrtý qaǵazdaryn júieli túrde elemeitin azamattarǵa ýaqytsha shekteý sharalaryn engizý. Sonymen qatar Biryńǵai shaqyrý reestrin iske qosý usynyldy.
Jańa júiege sáikes, shaqyrý habarlamalary tolyqtai tsifrlyq formatqa kóshiriledi. Bul áskerge shaqyrylýshylardyń mártebesin jedel baqylaýǵa jáne memlekettik organdar arasyndaǵy derekter almasýdy jaqsartýǵa múmkindik beredi.
Qorǵanys ministrliginde mundai ózgerister protsestiń ashyqtyǵyn arttyryp, baqylaýdy kúsheitedi dep esepteidi.
Sondai-aq jiynda merzimdi áskeri qyzmetke qyzyǵýshylyqty arttyrý máselesi qaraldy. Usynystar qatarynda tólemderdi kóbeitý jáne áleýmettik kepildikterdi qaita qaraý bar.
