Qazaqstan musylmandary dinı basqarmasy Imam AI júıesin iske qospaq, dep habarlaıdy Dalanews.kz.
QMDB sıfrlyq damý bóliminiń meńgerishisi Tımýr Serikqanuly Imam AI jobasyn tanystyryp, jasandy ıntellekt múmkindikterin dinı-aǵartýshylyq baǵytta tıimdi paıdalaný joldaryna toqtaldy. Bul joba boıynsha zamanaýı tehnologıalardy qoldaný arqyly jamaǵatqa jedel ári sapaly aqparat usyný, suraqtarǵa jedel jaýap berý kózdeledi.
Bólim meńgerýshisiniń aıtýynsha, Imam AI quralyn iske qosý máseleleri naqty aıqyndalyp, jobany júzege asyrý kezeńderi belgilengen.
Sonymen qatar, Imam AI júıesin pılottyq negizde iske qosý bıyl mamyrdyń basyna josparlanyp otyr.
Bas múftı Naýryzbaı qajy Taǵanuly jaýapty bólimderge jobany sapaly ári ýaqytyly júzege asyrýdy tapsyrdy.
