Atyraý oblysy Jangeldin aýylynda bir otbasy múshelerine qatysty qylmys alty ai aralyqpen jasalǵany anyqtalǵan, dep habarlaidy Dalanews.kz.
Tergeý deregine qaraǵanda, Naýryz mamyrda qaitys bolǵan. Al otbasynyń qalǵan músheleri qarashada kóz jumǵan.
"Kúdikti (kúieý balalary - esk.) sot-psihiatriialyq saraptamadan ótip, aqyl-esi durys dep tanyldy. Ol óz áreketi úshin tolyq jaýap bere alady", - dep jazylǵan málimette.
Prokýratýra ókilderi qylmysqa basqa adamdardyń qatysy joq ekenin málimdegen. Qazir bul derek boiynsha tergeý jalǵasyp jatyr.
Aita keteiik, 2025 jyly jeltoqsanda politsiiaǵa Atyraý oblysy Jangeldin aýylynda 66 jastaǵy er adam, 64 jastaǵy áiel, sondai-aq, olardyń balalary - 32 jastaǵy uly men 35 jastaǵy qyzy habar-osharsyz ketkeni týraly habarlama túsken.
Týystarynyń aitýynsha, otbasy qarashadan beri bailanysqa shyqpaǵan. Tórteýi de joǵalyp ketken adamdar retinde izdeý jariialandy. Bul derek boiynsha sotaldy tergep-tekserý bastalyp, jedel tergeý toby quryldy. Keiin tórteýi de óli tabyldy. Bul is boiynsha kúieý balalary - kúdikti.
