اتىراۋ وبلىسى جانگەلدين اۋىلىندا ءبىر وتباسى مۇشەلەرىنە قاتىستى قىلمىس التى اي ارالىقپەن جاسالعانى انىقتالعان، دەپ حابارلايدى Dalanews.kz.
تەرگەۋ دەرەگىنە قاراعاندا، ناۋرىز مامىردا قايتىس بولعان. ال وتباسىنىڭ قالعان مۇشەلەرى قاراشادا كوز جۇمعان.
"كۇدىكتى (كۇيەۋ بالالارى - ەسك.) سوت-پسيحياتريالىق ساراپتامادان ءوتىپ، اقىل-ەسى دۇرىس دەپ تانىلدى. ول ءوز ارەكەتى ءۇشىن تولىق جاۋاپ بەرە الادى"، - دەپ جازىلعان مالىمەتتە.
پروكۋراتۋرا وكىلدەرى قىلمىسقا باسقا ادامداردىڭ قاتىسى جوق ەكەنىن مالىمدەگەن. ءقازىر بۇل دەرەك بويىنشا تەرگەۋ جالعاسىپ جاتىر.
ايتا كەتەيىك، 2025 جىلى جەلتوقساندا پوليسياعا اتىراۋ وبلىسى جانگەلدين اۋىلىندا 66 جاستاعى ەر ادام، 64 جاستاعى ايەل، سونداي-اق، ولاردىڭ بالالارى - 32 جاستاعى ۇلى مەن 35 جاستاعى قىزى حابار-وشارسىز كەتكەنى تۋرالى حابارلاما تۇسكەن.
تۋىستارىنىڭ ايتۋىنشا، وتباسى قاراشادان بەرى بايلانىسقا شىقپاعان. تورتەۋى دە جوعالىپ كەتكەن ادامدار رەتىندە ىزدەۋ جاريالاندى. بۇل دەرەك بويىنشا سوتالدى تەرگەپ-تەكسەرۋ باستالىپ، جەدەل تەرگەۋ توبى قۇرىلدى. كەيىن تورتەۋى دە ءولى تابىلدى. بۇل ءىس بويىنشا كۇيەۋ بالالارى - كۇدىكتى.
