Atyraý oblysy prokýratýrasy Jangeldin aýylyndaǵy bir otbasynyń ólimine qatysty jańa málimetti jariialady, dep habarlaidy Dalanews.kz.
Vedomstvo ókilderi tergeý barysy týraly aitty.
"Kúdikti Aqbaian Muqanǵalievaǵa Almaty qalasyndaǵy sot saraptamalary institýtynda statsionarlyq keshendi sot-psihologiialyq-psihiatriialyq saraptama taǵaiyndalǵan bolatyn, onyń qorytyndysy daiyn emes. Kúdikti Sultan Sársemálievke júrgizilgen sot-psihologiialyq-psihiatriialyq saraptama qorytyndysyna sáikes ol óz áreketine esep bere alady, tergeý áreketine qatysýǵa qabiletti", - dep jazylǵan habarlamada.
Aita keteiik, 2025 jyly jeltoqsanda politsiiaǵa Atyraý oblysy Jangeldin aýylynda 66 jastaǵy er adam, 64 jastaǵy áiel, sondai-aq, olardyń balalary - 32 jastaǵy uly men 35 jastaǵy qyzy habar-osharsyz ketkeni týraly habarlama túsken.
Týystarynyń aitýynsha, otbasy qarashadan beri bailanysqa shyqpaǵan. Tórteýi de joǵalyp ketken adamdar retinde izdeý jariialandy. Bul derek boiynsha sotaldy tergep-tekserý bastalyp, jedel tergeý toby quryldy. Keiin tórteýi de óli tabyldy. Bul is boiynsha kúieý balalary - kúdikti.
