اتىراۋ وبلىسى پروكۋراتۋراسى جانگەلدين اۋىلىنداعى بٸر وتباسىنىڭ ٶلٸمٸنە قاتىستى جاڭا مەلٸمەتتٸ جارييالادى, دەپ حابارلايدى Dalanews.kz.
ۆەدومستۆو ٶكٸلدەرٸ تەرگەۋ بارىسى تۋرالى ايتتى.
"كٷدٸكتٸ اقبايان مۇقانعاليەۆاعا الماتى قالاسىنداعى سوت ساراپتامالارى ينستيتۋتىندا ستاتسيونارلىق كەشەندٸ سوت-پسيحولوگييالىق-پسيحياترييالىق ساراپتاما تاعايىندالعان بولاتىن, ونىڭ قورىتىندىسى دايىن ەمەس. كٷدٸكتٸ سۇلتان سەرسەمەليەۆكە جٷرگٸزٸلگەن سوت-پسيحولوگييالىق-پسيحياترييالىق ساراپتاما قورىتىندىسىنا سەيكەس ول ٶز ەرەكەتٸنە ەسەپ بەرە الادى, تەرگەۋ ەرەكەتٸنە قاتىسۋعا قابٸلەتتٸ", - دەپ جازىلعان حابارلامادا.
ايتا كەتەيٸك, 2025 جىلى جەلتوقساندا پوليتسيياعا اتىراۋ وبلىسى جانگەلدين اۋىلىندا 66 جاستاعى ەر ادام, 64 جاستاعى ەيەل, سونداي-اق, ولاردىڭ بالالارى - 32 جاستاعى ۇلى مەن 35 جاستاعى قىزى حابار-وشارسىز كەتكەنٸ تۋرالى حابارلاما تٷسكەن.
تۋىستارىنىڭ ايتۋىنشا, وتباسى قاراشادان بەرٸ بايلانىسقا شىقپاعان. تٶرتەۋٸ دە جوعالىپ كەتكەن ادامدار رەتٸندە ٸزدەۋ جارييالاندى. بۇل دەرەك بويىنشا سوتالدى تەرگەپ-تەكسەرۋ باستالىپ, جەدەل تەرگەۋ توبى قۇرىلدى. كەيٸن تٶرتەۋٸ دە ٶلٸ تابىلدى. بۇل ٸس بويىنشا كٷيەۋ بالالارى - كٷدٸكتٸ.
