Qazaqstanda aqyly avtojoldardan túsetin tabys aldaǵy ýaqytta aitarlyqtai ósedi. Bul týraly kólik ministri Nurlan Saýranbaev málimdedi, dep habarlaidy Dalanews.kz.
Ministrdiń málimetinshe, 2025 jyly aqyly joldardan biýdjetke 87 mlrd teńge túsken. Al biyl bul kórsetkishti 120 mlrd teńgege jetkizý kózdelip otyr.
"Túsken qarajat qaryz mindettemelerin óteýge jáne joldardy kútip-ustaýǵa baǵyttalady. Jalpy alǵanda, aqyly joldar biýdjetke túsetin júktemeni azaitady", – dedi ministr.
Saýranbaev avtokólik tranziti salasynda da áleýet joǵary ekenin atap ótti. Jaqyn ýaqytta iri infraqurylymdyq jobalar aiaqtalyp, shekaradaǵy ótkizý beketterin jańǵyrtý jáne jańalaryn salý jumystary júrgiziledi. Sondai-aq jańa tehnologiialar engizilip, ruqsat berý júiesinen bas tartý josparlanyp otyr.
Ministrdiń sózinshe, bul sharalar Qazaqstannyń tranzittik múmkindigin arttyryp, kólik-logistika salasynyń damýyna jańa serpin beredi.
