قازاقستاندا اقىلى اۆتوجولداردان تٷسەتٸن تابىس الداعى ۋاقىتتا ايتارلىقتاي ٶسەدٸ. بۇل تۋرالى كٶلٸك مينيسترٸ نۇرلان ساۋرانباەۆ مەلٸمدەدٸ, دەپ حابارلايدى Dalanews.kz.
مينيستردٸڭ مەلٸمەتٸنشە, 2025 جىلى اقىلى جولداردان بيۋدجەتكە 87 ملرد تەڭگە تٷسكەن. ال بيىل بۇل كٶرسەتكٸشتٸ 120 ملرد تەڭگەگە جەتكٸزۋ كٶزدەلٸپ وتىر.
"تٷسكەن قاراجات قارىز مٸندەتتەمەلەرٸن ٶتەۋگە جەنە جولداردى كٷتٸپ-ۇستاۋعا باعىتتالادى. جالپى العاندا, اقىلى جولدار بيۋدجەتكە تٷسەتٸن جٷكتەمەنٸ ازايتادى", – دەدٸ مينيستر.
ساۋرانباەۆ اۆتوكٶلٸك ترانزيتٸ سالاسىندا دا ەلەۋەت جوعارى ەكەنٸن اتاپ ٶتتٸ. جاقىن ۋاقىتتا ٸرٸ ينفراقۇرىلىمدىق جوبالار اياقتالىپ, شەكاراداعى ٶتكٸزۋ بەكەتتەرٸن جاڭعىرتۋ جەنە جاڭالارىن سالۋ جۇمىستارى جٷرگٸزٸلەدٸ. سونداي-اق جاڭا تەحنولوگييالار ەنگٸزٸلٸپ, رۇقسات بەرۋ جٷيەسٸنەن باس تارتۋ جوسپارلانىپ وتىر.
مينيستردٸڭ سٶزٸنشە, بۇل شارالار قازاقستاننىڭ ترانزيتتٸك مٷمكٸندٸگٸن ارتتىرىپ, كٶلٸك-لوگيستيكا سالاسىنىڭ دامۋىنا جاڭا سەرپٸن بەرەدٸ.
