"Qazaqstan temir joly" ulttyq kompaniiasynyń qaryzy 3 trillion teńgeden asyp ketken. Másele der kezinde sheshilmese, saldary aýyr bolýy múmkin. Bul týraly Senat depýtaty Shákárim Buqtuǵutov málimdedi, dep habarlaidy Dalanews.kz.
24 sáýirde Senatta Qazaqstannyń tranzittik áleýetine arnalǵan parlamenttik tyńdaý ótti. Jiynda depýtat QTJ-nyń qaryzy tym kóp ekenin málimdedi.
Onyń aitýynsha, jańa jobalardy iske asyrý úshin alynǵan nesielerdi qosqanda, kompaniianyń bereshegi 3 trillion teńgeden asyp otyr. Bul máseleni keiinge qaldyrý QTJ-nyń jumysyna ǵana emes, eldiń tranzittik áleýeti damýyna da keri áser etýi múmkin.
Depýtattyń pikirinshe, mundai jaǵdaidyń negizgi sebepteriniń biri - júk tasymaly tarifi tómen ekeni. Qazir júk ainalymynyń shamamen 70 paiyzy ózindik qunynan tómen tarifpen tasymaldanady.
Senator QTJ-daǵy temirjol tarifi EAEO jáne TMD elderimen salystyrǵanda eń tómen deńgeide ekenin aitty. Bul tarifter tasymal shyǵynyn tolyq ótemeidi, al basqa elderde eksporttyq júk tasymaly Qazaqstanmen salystyrǵanda 2-4 ese qymbat.
