Qostanai oblysynyń Meńdiqara aýdandyq soty I.-ge esimdi turǵynǵa qatysty qylmystyq isti qarady. Ol densaýlyqqa qasaqana aýyr ziian keltirip, abaisyzda adam ólimine soqtyrdy dep aiyptalǵan, dep habarlaidy Dalanews.kz.
Qaiǵyly oqiǵa 3 qańtar kúni keshke bolǵan. Tergeý nusqasyna sáikes, mas kúide bolǵan er adam qyzǵanyshtan birge turǵan áielin aiaýsyz soqqyǵa jyqqan. Aýyr jaraqat alǵan áiel oqiǵa ornynda kóz jumǵan.
Sotta aiyptalýshy kinásin tolyq moiyndap, jasaǵan isine ókinetinin aitty. Prokýror oǵan 10 jyl bas bostandyǵynan aiyrý jazasyn surady. Jábirlenýshi tarap ókili zań aiasynda jaza taǵaiyndaýdy ótindi.
Atalǵan bap boiynsha 8 jyldan 12 jylǵa deiin bas bostandyǵynan aiyrý jazasy qarastyrylǵan. Sondai-aq múlkin tárkileý máselesi de kózdelgen.
Sot aiyptalýshynyń kinásin moiyndaýyn, ókinýin jáne kámeletke tolmaǵan balalarynyń baryn jeńildetetin jaǵdai retinde eskerdi. Al qylmystyń alkogoldik masań kúide jasalýy aýyrlatatyn mán-jai dep tanyldy.
Nátijesinde sot er adamdy 8 jylǵa bas bostandyǵynan aiyryp, koloniiaǵa jiberdi. Úkim ázirge zańdy kúshine engen joq.
