Qazaqstanda "Alataý" dep atalatyn jańa arnaiy ekonomikalyq aimaq qurylmaq. Joba Jambyl oblysynyń Qordai aýdanynda júzege asyp, investitsiia tartý men jańa óndiris oryndaryn ashýǵa baǵyttalady, dep habarlaidy Dalanews.kz.
Jobanyń jalpy aýmaǵy 165 gektardy qamtidy. AEA-ny qurýdaǵy basty maqsat – óńirge investitsiia tartý, jańa óndiristerdi iske qosý jáne turaqty jumys oryndaryn ashý. Sonymen qatar bul bastama aimaqtaǵy ónerkásip pen logistika salasynyń qarqyndy damýyna serpin bermek.
Josparǵa sáikes, aimaqta óńdeýshi ónerkásiptiń birqatar baǵyty damytylady. Atap aitqanda, himiia, metallýrgiia, qurylys materialdaryn óndirý jáne plastik buiymdaryn shyǵarý kózdelip otyr.
Budan bólek, agroónerkásiptik sektorǵa da erekshe mán berilmek. Iaǵni aýyl sharýashylyǵy ónimderin óńdeý, saqtaý jáne tiimdi logistika júiesin qalyptastyrý baǵyttary basymdyqqa ie bolady.
Sondai-aq mashina jasaý, elektronika salalaryn órkendetý jáne joǵary qosylǵan quny bar ónimder shyǵarý da negizgi mindetterdiń qatarynda.
