Qashaǵan ken ornynan jańa munai qory tabyldy. Bul týraly “AtyraýGEO-2026” geologiialyq konferentsiiasynda resmi túrde belgili boldy, dep habarlaidy Dalanews.kz.
Málimetke sáikes, North Caspian Operating Company (NCOC) konsortsiýmy tuz ústi qurylymyndaǵy “Fatima” ýchaskesinde jańa munai qorynyń belgilerin anyqtaǵan.
Mamandardyń aitýynsha, bul – Qashaǵannyń áleýeti áli de joǵary ekenin kórsetetin jaqsy nyshan. Eger zertteý jumystary sátti jalǵassa, bul aimaq bolashaqta iri óndiris alańyna ainalýy múmkin.
Aita keteiik, byltyr Qashaǵan ken ornynda 18,2 mln tonna munai óndirilgeni týraly jazǵan edik. Onyń 3 mln tonnadan astamy ulttyq “QazMunaiGaz” kompaniiasynyń úlesine tiesili.
“Ken ornyn odan ári damytý aiasynda uzaq merzimdi tolyq igerý modeline sáikes, ázirge igerilmegen ýchaskelerdi óndiris ainalymyna engizý josparlanyp otyr”, — degen edi derekkóz.
Eske salaiyq, sondai-aq jaqynda Qashaǵan daýy boiynsha sotta Qazaqstan jeńiske jetken.
Bul týraly Senat kýlýarynda Ádilet vitse-ministri Daniel Vaisov málimdedi. Onyń aitýynsha, ekologiialyq talaptardy buzý, naqtyraq aitqanda kúkirt saqtaý limitterin asyrý boiynsha talap aryz somasy 2,3 trln teńgeni quraidy.
"Qazaqstan aýmaǵynda birinshi instantsiia sotynyń sheshimi shyqty, iaǵni respýblikanyń ustanymy zańdy dep tanyldy", - dedi ol.
Alaida alty merdiger kompaniia (jeti kompaniianyń biri – «QazMunaiGazdan» bólek) 6 naýryzda apelliatsiialyq shaǵym túsirgen. Qazirgi ýaqytta is apelliatsiiada qaralyp jatyr.
Sonymen qatar, merdiger kompaniialar halyqaralyq deńgeide de daýdy jalǵastyrýda. Olar Qazaqstanǵa qarsy Frantsiia jáne Niderlandpen jasalǵan ekijaqty kelisimder aiasynda arbitrajdyq talap aryz bergen.
Bul is AQSh-tyń Vashington qalasynda EKSID (ICSID) aiasynda qaralady. Qazir arbitrajdyq tribýnaldy qalyptastyrý kezeńi júrip jatyr.
Vitse-ministrdiń aitýynsha, bul baǵytta Ádilet, Ekologiia jáne Energetika ministrlikteri birlesip jumys júrgizýde. Sonymen qatar, arbitraj protsesterine qatysty aqparattyń kóp bóligi qupiia bolyp qala beredi.
