«Ksell» AQ (Kcell jáne activ brendteri) úshinshi tulǵalardyń qatysýymen kontrakttyq telefondardy rásimdeýge bailanysty alaiaqtyq jaǵdailardyń kóbeigenin málimdedi, dep habarlaidy Dalanews.kz.
Kompaniianyń ishki málimetteri men qaýipsizdik qyzmetiniń derekterine sáikes, alaiaqtar klientterdi jańylystyryp, smartfondardy «tiimdi sharttarmen» rásimdeýge kómektesemiz dep usynady. Olar adamdardan telefondy óz atyna rásimdeýdi surap, bul úshin syiaqy ýáde etedi. Kóp jaǵdaida «qurylǵy úshin tóleýdiń qajeti joq» nemese «bul nesie emes» degen jalǵan aqparat beriledi.
Ádette shema kelesidei júzege asady: úshinshi tulǵalar klientterge telefondy óz atyna rásimdep bergeni úshin syiaqy usynady. Ótinim maquldanǵan soń, klient qurylǵyny alyp, ony úshinshi tulǵaǵa beredi. Alaida keiingi tólem mindettemeleri shartty rásimdegen abonenttiń ózinde qalady.
«Ksell» AQ eskertedi:
- kontrakttyq telefondy rásimdeý - abonent úshin tolyq qarjylyq mindetteme. Úshinshi tulǵalarmen jasalǵan kez kelgen kelisimderge qaramastan, jaýapkershilik shartty rásimdegen adamnyń ózine júkteledi. Kompaniia mundai jaǵdailardyń aldyn alý maqsatynda baqylaýdy kúsheitip, qosymsha sharalar qabyldaýda;
- kontrakttyq telefon boiynsha ai saiynǵy tólemder týraly aqparat Kredittik biýrolarǵa jiberiledi.
Klientterge usynystar:
«Ksell» AQ klientterdi qorǵaý jáne alaiaqtyq shemalarǵa qarsy kúres jumystaryn jalǵastyrady.
