SHQO polıseıleri izdeýde júrgen qylmyskerdi áýejaıda ustady, dep habarlaıdy Dalanews.kz.
Shyǵys Qazaqstan oblysynyń polıseıleri 2016 jyldan beri izdeýde júrgen 38 jastaǵy azamatty áýejaıda ustady.
Ol jalpy somasy shamamen 5 mıllıon teńgeni quraıtyn alaıaqtyq jasaǵan degen kúdikke ilingen.
Qylmystyq is materıaldaryna sáıkes, kúdikti bireýdiń qarajatyn senimine kire otyryp oǵan qıanat jasaýmen ıemdengeni úshin izdestirilgen. Osy jyldar ishinde ol ádil sottan jaltaryp, turǵylyqty jerin jıi aýystyryp otyrǵan jáne qoǵamdyq oryndardan ádeıi boı tasalap júrgen.
Jedel-izdestirý is-sharalary barysynda polıseıler kúdiktini Óskemen qalasyna ushyp kelgen sátinde, ushaqtan túsken boıda ustady.
Qazirgi ýaqytta kúdikti ýaqytsha ustaý ızolátoryna qamaldy. Tergeý amaldary júrgizilýde.
