Qarjylyq monitoring agenttiginiń Almaty qalasy boiynsha departamenti "Warner Bros", "Roborock" jáne "NFT+TRX" qarjylyq piramidalarynyń qyzmetin toqtatty. Qarjylyq piramida uiymdastyrýshylary salymshylardy treilerlerdi kórý arqyly joǵary paida alý degen syltaýmen jobalarǵa investitsiia salýǵa kóndirgen, dep habarlaidy Dalanews.kz.
"Joba 9 deńgeiden quralyp, ortasha salym somasy 225 myń teńgeni qurady, tólemder tek USDT kriptovaliýtasynda qabyldandy. Mysaly, "Warner Bros" jobasy boiynsha salymshylar arnaiy qosymshaǵa tirkelip, kriptovaliýta arqyly qoljetimdilikti satyp alyp, treilerlerdi kórý úshin jáne jańa salymshylardy shaqyrý úshin "esepteletin" syiaqylar alǵan. Tergeý barysynda salymshylardan qarajat jinaý jáne tranzit jasaý úshin qoldanylǵan kriptovaliýtalyq ámiiandar anyqtaldy. Sottyń sanktsiiasymen 3,8 mln USDT kóleminde kriptoaktivterge tyiym salyndy", delingen QMA habarlamasynda.
Quqyqtyq is júrgizý kodeksiniń 201-babyna sáikes basqa aqparattar jariia etýge jatpaidy.
Aita keteiik, agenttik qarjy piramidalarynyń belgileri bar uiymdardy tekserýge múmkindik beretin "Baiqa, piramida!" Telegram-botyn (https://t.me/BAIQApiramidaBOT) iske qosqan.
