Sankt-Peterbýrg qalasyndaǵy kópsalaly medısınalyq ortalyqtyń joǵary sanatty, endovaskýlárlyq kardıohırýrg dárigeri Tokarev Pavel Aleksandrovıch jáne Túrkistan oblystyq klınıkalyq aýrýhanasynyń neırohırýrg dárigeri Ótenov Nurhan Janatuly óz tájirıbesin bólisti,- dep habarlaıdy Dalanews.kz
Ordabasy aýdandyq ortalyq aýrýhanasyna jaqynda ǵana “Allia IGS 3” stasıonarlyq angıograf medısınalyq quraly ornatylyp, josparly túrde eki kún kóleminde master klass aıasynda 8 naýqasqa ota jasaldy. Onyń ishinde 4 naýqasqa koronarografıalyq ota jáne 1 koronarlyq arterıalardy stentteý, 3 selektıvti serebraldy angıografıa otasy jasaldy.
Búginde ozyq úlgidegi jabdyqtarmen Ordabasy aýdanynyń turǵandary ǵana emes, kórshi aýdandardyń turǵyndary da medısınalyq kómekke júgine alady. Naqtyraq atap ótsek, Báıdibek, Arys aýdanynyń turǵyndary josparly jáne shuǵyl túrde koronarografıalyq ota jáne koronarlyq arterıalardy stentteý, selektıvti serebraldy angıografıa ota túrleri boıynsha Ordabasyda emdeledi.
Basty maqsat — zamanaýı kópsalaly ortalyq aýdanaralyq aýrýhanalar jelisin uıymdastyrý. Bul aýyl turǵyndaryna jedel jáne mamandandyrylǵan medısınalyq kómekti der kezinde kórsetýge múmkindik beredi.
