سانكت-پەتەربۋرگ قالاسىنداعى كوپسالالى مەديسينالىق ورتالىقتىڭ جوعارى ساناتتى، ەندوۆاسكۋليارلىق كارديوحيرۋرگ دارىگەرى توكاريەۆ پاۆەل الەكساندروۆيچ جانە تۇركىستان وبلىستىق كلينيكالىق اۋرۋحاناسىنىڭ نەيروحيرۋرگ دارىگەرى وتەنوۆ نۇرحان جانات ۇلى ءوز تاجىريبەسىن ءبولىستى،- دەپ حابارلايدى Dalanews.kz
ورداباسى اۋداندىق ورتالىق اۋرۋحاناسىنا جاقىندا عانا “Allia IGS 3” ستاسيونارلىق انگيوگراف مەديسينالىق قۇرالى ورناتىلىپ، جوسپارلى تۇردە ەكى كۇن كولەمىندە ماستەر كلاسس اياسىندا 8 ناۋقاسقا وتا جاسالدى. ونىڭ ىشىندە 4 ناۋقاسقا كوروناروگرافيالىق وتا جانە 1 كورونارلىق ارتەريالاردى ستەنتتەۋ، 3 سەلەكتيۆتى سەرەبرالدى انگيوگرافيا وتاسى جاسالدى.
بۇگىندە وزىق ۇلگىدەگى جابدىقتارمەن ورداباسى اۋدانىنىڭ تۇرعاندارى عانا ەمەس، كورشى اۋدانداردىڭ تۇرعىندارى دا مەديسينالىق كومەككە جۇگىنە الادى. ناقتىراق اتاپ وتسەك، بايدىبەك، ارىس اۋدانىنىڭ تۇرعىندارى جوسپارلى جانە شۇعىل تۇردە كوروناروگرافيالىق وتا جانە كورونارلىق ارتەريالاردى ستەنتتەۋ، سەلەكتيۆتى سەرەبرالدى انگيوگرافيا وتا تۇرلەرى بويىنشا ورداباسىدا ەمدەلەدى.
باستى ماقسات — زاماناۋي كوپسالالى ورتالىق اۋدانارالىق اۋرۋحانالار جەلىسىن ۇيىمداستىرۋ. بۇل اۋىل تۇرعىندارىنا جەدەل جانە مامانداندىرىلعان مەديسينالىق كومەكتى دەر كەزىندە كورسەتۋگە مۇمكىندىك بەرەدى.
