اقش-تىڭ گەينسۆيلل قالاسىنىڭ تۇرعىنى دومينيك پەيدج UF Health Shands اۋرۋحاناسىن سوتقا بەردٸ. ونىڭ ايتۋىنشا, دەرٸگەر جٸبەرگەن ٶرەسكەل قاتەلٸك ەكٸ جاسار ۇلىنىڭ ٶلٸمٸنە سەبەپ بولعان, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
قايعىلى وقيعا 2024 جىلدىڭ 1 ناۋرىزىندا بولعان. دومينيك پەيدج ۇلى دە’ماركۋستى توقتاۋسىز جىلاپ, تاماق ٸشپەي, ديارەيادان ەلسٸرەگەن سوڭ اۋرۋحاناعا جەتكٸزگەن.
تەكسەرۋ بارىسىندا بالانىڭ قانىنداعى كاليي دەڭگەيٸ 2,8 ەكەنٸ انىقتالىپ, ونى شۇعىل تٷردە تولىقتىرۋ قاجەت بولعان.
الايدا وسى سەتتە اۋىر قاتەلٸك كەتكەن. دەرٸگەر تسزيابي چەن كاليي فوسفاتىنىڭ مٶلشەرٸن 15 ممول/ليتر دەپ جازىپ جٸبەرگەن. بۇل بالاعا قاجەت دوزادان ون ەسە كٶپ بولعان. نەگٸزٸندە كٶرسەتكٸش 1,5 ممول/ليتر بولۋى تيٸس ەدٸ.
ٷتٸردٸڭ دۇرىس قويىلماۋى سالدارىنان قاۋٸپتٸ مٶلشەر ەنگٸزٸلگەن. ەڭ سوراقىسى – قاتەلٸكتٸ فارماتسەۆت تە, ٶزگە مەديتسينا قىزمەتكەرلەرٸ دە بايقاماعان. سونىڭ نەتيجەسٸندە كٸشكەنتاي بالا جوعارى دوزانى ەكٸ رەت قابىلداعان.
ەكٸنشٸ قابىلداۋدان كەيٸن دە’ماركۋستىڭ اعزاسىنداعى كاليي دەڭگەيٸ 7,8-گە دەيٸن كٶتەرٸلٸپ, جٷرەگٸ توقتاپ قالعان. دەرٸگەرلەر ونىڭ جٷرەك سوعىسىن قالپىنا كەلتٸرگەنٸمەن, ۇزاق ۋاقىت وتتەگٸنٸڭ جەتٸسپەۋٸ ميى مەن ٸشكٸ اعزالارىن اۋىر زاقىمداعان.
بالا ەكٸ اپتا بويى اپپاراتتىڭ كٶمەگٸمەن عانا ٶمٸر سٷرگەن. الايدا جاعدايى جاقسارماعان سوڭ, 2024 جىلدىڭ 18 ناۋرىزىندا اتا-اناسى ٶمٸردٸ قامتاماسىز ەتەتٸن قۇرىلعىنى اجىراتۋ تۋرالى اۋىر شەشٸم قابىلداعان.
"سول كٷن ەلٸ كٷنگە دەيٸن كٶز الدىمنان كەتپەيدٸ. ۇيىقتاسام دا, بەرٸ تٷسٸمە كٸرٸپ, شوشىپ ويانامىن", – دەيدٸ دومينيك پەيدج.
