قازاقستان 2027 جىلعى ٷستەل تەننيسٸنەن ەلەم چەمپيوناتىن ٶتكٸزۋ ەستافەتاسىن رەسمي تٷردە قابىلدادى. حالىقارالىق ٷستەل تەننيسٸ فەدەراتسيياسىنىڭ (ITTF) تۋىن سالتاناتتى تابىستاۋ رەسٸمٸ لوندوندا ٶتٸپ جاتقان قازٸرگٸ ەلەم چەمپيوناتى الاڭىندا ۇيىمداستىرىلدى, دەپ حابارلايدى dalanews.kz.
وسى سەتتەن باستاپ قازاقستان ەلەمدەگٸ ەڭ ٸرٸ حالىقارالىق سپورتتىق جارىستاردىڭ بٸرٸن ۇيىمداستىرۋشى مەرتەبەسٸن رەسمي تٷردە يەلەندٸ. ٷستەل تەننيسٸنەن ەلەم چەمپيوناتى 2027 جىلعى 22-30 مامىر ارالىعىندا استانادا ٶتەدٸ.
قازاقستان ورتالىق ازييا ەلدەرٸ ٸشٸندە العاش رەت ٷستەل تەننيسٸنەن ەلەم چەمپيوناتىن ٶتكٸزەتٸن مەملەكەت اتانىپ وتىر. بۇل – بٷكٸل ٶڭٸر ٷشٸن تاريحي جەتٸستٸك. وسىنداي دەڭگەيدەگٸ تۋرنيردٸ ٶتكٸزۋ وتاندىق سپورتتى دامىتۋعا جەنە ەلدٸڭ حالىقارالىق بەدەلٸن نىعايتۋعا ماڭىزدى سەرپٸن بەرەدٸ.
چەمپيوناتقا سپورتشىلار, جاتتىقتىرۋشىلار, ۇلتتىق فەدەراتسييالار ٶكٸلدەرٸ, تٶرەشٸلەر مەن حالىقارالىق دەلەگاتتاردى قوسا العاندا شامامەن 1250 رەسمي ادام كەلەدٸ دەپ كٷتٸلٸپ وتىر.
سونداي-اق جارىس شەتەلدٸك جانكٷيەرلەر مەن ەلوردا قوناقتارىنىڭ كٶپتەپ كەلۋٸنە ىقپال ەتەدٸ.
جارىس بەس سانات بويىنشا ٶتەدٸ: ەرلەر مەن ەيەلدەر اراسىنداعى جەكەلەي سىن, ەرلەر مەن ەيەلدەر جۇبى, سونداي-اق ارالاس جۇپتار بەسەكەسٸ.
نەگٸزگٸ جارىس الاڭى رەتٸندە 8 مىڭعا جۋىق كٶرەرمەن سيياتىن «بارىس ارەنا» مۇز سارايى تاڭدالدى. قوسىمشا الاڭ رەتٸندە 6,8 مىڭ ادامعا ارنالعان QAZAQSTAN جەڭٸل اتلەتيكا كەشەنٸ پايدالانىلادى.
چەمپيونات اياسىندا استانادا ITTF Summit 2027 ٸس-شاراسى دا ۇيىمداستىرىلادى. ونىڭ قۇرامىنا حالىقارالىق ٷستەل تەننيسٸ فەدەراتسيياسىنىڭ جىل سايىنعى باس اسسامبلەياسى (AGM) مەن اتقارۋ كوميتەتٸنٸڭ وتىرىستارى كٸرەدٸ.
«استانادا ەلەم چەمپيوناتىنىڭ ٶتۋٸ – قازاقستاندا ٷستەل تەننيسٸنٸڭ دامىپ, جاڭا دەڭگەيگە كٶتەرٸلگەنٸنٸڭ ايقىن كٶرٸنٸسٸ. بۇل بٸز ٷشٸن ەلەمدٸك دەڭگەيدەگٸ تۋرنير ٶتكٸزٸپ قانا قويماي, ەلٸمٸزدٸڭ حالىقارالىق سپورت ارەناسىنداعى ورنىن نىعايتۋعا مٷمكٸندٸك بەرەدٸ», – دەپ اتاپ ٶتتٸ ۇيىمداستىرۋ كوميتەتٸ.
2027 جىلعى ەلەم چەمپيوناتىن قازاقستاندا ٶتكٸزۋ تۋرالى شەشٸم 2025 جىلعى 27 مامىردا قاتاردىڭ دوحا قالاسىندا ٶتكەن ITTF باس اسسامبلەياسىندا قابىلدانعان بولاتىن. تۋرنيردٸ ٶتكٸزۋ قۇقىعىنا قازاقستاننان بٶلەك فرانتسييا, اقش, قىتاي جەنە برازيلييا ٷمٸتكەر بولدى.
فينالدا قازاقستان 54,68 پايىز داۋىس جيناپ, جەڭٸسكە جەتتٸ.
«تۋدى قازاقستانعا تابىستاۋ – ەلگە الداعى ەلەم چەمپيوناتىنىڭ يەسٸ رەتٸندە كٶرسەتٸلگەن سەنٸمنٸڭ بەلگٸسٸ. بٸز استانانىڭ ۇيىمداستىرۋ جۇمىسىن جوعارى دەڭگەيدە ٶتكٸزٸپ, ەلەمدٸك ٷستەل تەننيسٸنە لايىقتى الاڭ بولاتىنىنا سەنٸمدٸمٸز», – دەپ مەلٸمدەدٸ حالىقارالىق ٷستەل تەننيسٸنٸڭ فەدەراتسيياسى (ITTF).
