Qazaqstan 2027 jylǵy ústel tennisinen álem chempionatyn ótkizý estafetasyn resmi túrde qabyldady. Halyqaralyq ústel tennisi federatsiiasynyń (ITTF) týyn saltanatty tabystaý rásimi Londonda ótip jatqan qazirgi álem chempionaty alańynda uiymdastyryldy, dep habarlaidy dalanews.kz.
Osy sátten bastap Qazaqstan álemdegi eń iri halyqaralyq sporttyq jarystardyń birin uiymdastyrýshy mártebesin resmi túrde ielendi. Ústel tennisinen álem chempionaty 2027 jylǵy 22-30 mamyr aralyǵynda Astanada ótedi.
Qazaqstan Ortalyq Aziia elderi ishinde alǵash ret ústel tennisinen álem chempionatyn ótkizetin memleket atanyp otyr. Bul – búkil óńir úshin tarihi jetistik. Osyndai deńgeidegi týrnirdi ótkizý otandyq sportty damytýǵa jáne eldiń halyqaralyq bedelin nyǵaitýǵa mańyzdy serpin beredi.
Chempionatqa sportshylar, jattyqtyrýshylar, ulttyq federatsiialar ókilderi, tóreshiler men halyqaralyq delegattardy qosa alǵanda shamamen 1250 resmi adam keledi dep kútilip otyr.
Sondai-aq jarys sheteldik jankúierler men elorda qonaqtarynyń kóptep kelýine yqpal etedi.
Jarys bes sanat boiynsha ótedi: erler men áielder arasyndaǵy jekelei syn, erler men áielder juby, sondai-aq aralas juptar básekesi.
Negizgi jarys alańy retinde 8 myńǵa jýyq kórermen siiatyn «Barys Arena» muz saraiy tańdaldy. Qosymsha alań retinde 6,8 myń adamǵa arnalǵan QAZAQSTAN jeńil atletika kesheni paidalanylady.
Chempionat aiasynda Astanada ITTF Summit 2027 is-sharasy da uiymdastyrylady. Onyń quramyna Halyqaralyq ústel tennisi federatsiiasynyń jyl saiynǵy Bas assambleiasy (AGM) men Atqarý komitetiniń otyrystary kiredi.
«Astanada álem chempionatynyń ótýi – Qazaqstanda ústel tennisiniń damyp, jańa deńgeige kóterilgeniniń aiqyn kórinisi. Bul biz úshin álemdik deńgeidegi týrnir ótkizip qana qoimai, elimizdiń halyqaralyq sport arenasyndaǵy ornyn nyǵaitýǵa múmkindik beredi», – dep atap ótti uiymdastyrý komiteti.
2027 jylǵy álem chempionatyn Qazaqstanda ótkizý týraly sheshim 2025 jylǵy 27 mamyrda Qatardyń Doha qalasynda ótken ITTF bas assambleiasynda qabyldanǵan bolatyn. Týrnirdi ótkizý quqyǵyna Qazaqstannan bólek Frantsiia, AQSh, Qytai jáne Braziliia úmitker boldy.
Finalda Qazaqstan 54,68 paiyz daýys jinap, jeńiske jetti.
«Týdy Qazaqstanǵa tabystaý – elge aldaǵy álem chempionatynyń iesi retinde kórsetilgen senimniń belgisi. Biz Astananyń uiymdastyrý jumysyn joǵary deńgeide ótkizip, álemdik ústel tennisine laiyqty alań bolatynyna senimdimiz», – dep málimdedi Halyqaralyq ústel tennisiniń federatsiiasy (ITTF).
