پوليتسييا قىزمەتكەرلەرٸ اتا-انالاردى بالالاردىڭ قاۋٸپسٸزدٸگٸنە مۇقييات قاراۋعا شاقىردى. ەسٸرەسە كٶكتەم مەن جاز مەزگٸلدەرٸندە تەرەزەنٸڭ جيٸ اشىلۋىنا بايلانىستى كٸشكەنتاي بالالاردىڭ ابايسىزدا قۇلاپ كەتۋ قاۋپٸ ارتاتىنى ەسكەرتٸلدٸ, دەپ حابارلايدى dalanews.kz.
تەرتٸپ ساقشىلارىنىڭ مەلٸمەتٸنشە, مۇنداي قايعىلى جاعدايلاردىڭ الدىن الۋ ٷشٸن ٷيدەگٸ قاۋٸپسٸزدٸك ەرەجەلەرٸن قاتاڭ ساقتاۋ قاجەت.
ماماندار ەڭ الدىمەن تەرەزەنٸ اشىق قالدىرماۋعا كەڭەس بەرەدٸ. ٷيدە كٸشكەنتاي بالا بولسا, تەرەزەنٸ تولىق اشپاي, تەك جەلدەتۋ رەجيمٸن قولدانعان دۇرىس. سونىمەن قاتار ديۆان, ورىندىق جەنە ٷستەل سەكٸلدٸ جيھازداردى تەرەزە ماڭىنا قويماۋ قاجەتتٸگٸ ايتىلدى. سەبەبٸ بالالار سول ارقىلى تەرەزەگە شىعىپ كەتۋٸ مٷمكٸن.
پوليتسييا ماسادان قورعايتىن تورلاردىڭ دا قاۋٸپسٸزدٸك قۇرالى ەمەس ەكەنٸن ەسكەرتتٸ. مامانداردىڭ ايتۋىنشا, مۇنداي تورلار بالانىڭ سالماعىن كٶتەرە المايدى جەنە سٷيەنگەن جاعدايدا ٷزٸلٸپ كەتۋٸ ىقتيمال.
سونداي-اق اتا-انالارعا تەرەزەلەرگە ارنايى قاۋٸپسٸزدٸك قۇلىپتارىن ورناتۋ ۇسىنىلدى. بۇل بالانىڭ تەرەزەنٸ ٶزدٸگٸنەن اشۋىنا جول بەرمەيدٸ.
تەرتٸپ ساقشىلارى كٸشكەنتاي بالالاردى ەشقاشان قاراۋسىز قالدىرماۋعا شاقىرىپ, قاراپايىم ساقتىق شارالارى ادام ٶمٸرٸن ساقتاپ قالۋى مٷمكٸن ەكەنٸن اتاپ ٶتتٸ.
