Politsiia qyzmetkerleri ata-analardy balalardyń qaýipsizdigine muqiiat qaraýǵa shaqyrdy. Ásirese kóktem men jaz mezgilderinde terezeniń jii ashylýyna bailanysty kishkentai balalardyń abaisyzda qulap ketý qaýpi artatyny eskertildi, dep habarlaidy dalanews.kz.
Tártip saqshylarynyń málimetinshe, mundai qaiǵyly jaǵdailardyń aldyn alý úshin úidegi qaýipsizdik erejelerin qatań saqtaý qajet.
Mamandar eń aldymen terezeni ashyq qaldyrmaýǵa keńes beredi. Úide kishkentai bala bolsa, terezeni tolyq ashpai, tek jeldetý rejimin qoldanǵan durys. Sonymen qatar divan, oryndyq jáne ústel sekildi jihazdardy tereze mańyna qoimaý qajettigi aityldy. Sebebi balalar sol arqyly terezege shyǵyp ketýi múmkin.
Politsiia masadan qorǵaityn torlardyń da qaýipsizdik quraly emes ekenin eskertti. Mamandardyń aitýynsha, mundai torlar balanyń salmaǵyn kótere almaidy jáne súiengen jaǵdaida úzilip ketýi yqtimal.
Sondai-aq ata-analarǵa terezelerge arnaiy qaýipsizdik qulyptaryn ornatý usynyldy. Bul balanyń terezeni ózdiginen ashýyna jol bermeidi.
Tártip saqshylary kishkentai balalardy eshqashan qaraýsyz qaldyrmaýǵa shaqyryp, qarapaiym saqtyq sharalary adam ómirin saqtap qalýy múmkin ekenin atap ótti.
