Soltústik Qazaqstan oblysynda aýyl halqyn taza aýyzsýmen qamtamasyz etý baǵytynda júieli jumys júrgizilýde, - dep habarlaidy Dalanews.kz
Byltyr 10 myń turǵyny bar 64 aýylǵa keshendi blok-modýlder ornatyldy. Sonymen qatar 280 shaqyrym sý qubyry jelisi jańǵyrtyldy. Sý qubyry jelilerin salý jáne jańartý 5 myń adam turatyn 15 eldi mekende atqaryldy.
Nátijesinde 2024 jyldyń qorytyndysy boiynsha aýyl halqynyń taza aýyzsýǵa qoljetimdilik deńgeii 97,5 paiyzǵa jetip, 258 myń adamdy qamtydy.
Qazirgi tańda oblysta 7,4 myń turǵyny bar 88 aýyl qamtylmaǵan. Bul máseleni sheshý úshin sý qubyry jelilerin tartý, toptyq sý qubyrlaryn salý jáne keshendi blok-modýlder ornatý josparlanyp otyr. Osy sharalar nátijesinde aýyl halqynyń taza aýyzsýǵa qoljetimdiligi 100 paiyzǵa jetkizilmek.
