Shymkentte muǵalimdi bopsalaǵan bloger ustaldy, dep habarlaidy Dalanews.kz qalalyq politsiia departamentine silteme jasap.
Qaladaǵy mektepterdiń biriniń ókiliniń aryzy boiynsha politsiia departamentiniń qyzmetkerlerimen iri kólemde aqsha bopsalaǵan kúdikti S. ustaldy.
Aldyn ala málimetterge sáikes, kúdikti óziniń media tanymaldylyǵyn paidalanyp, jaǵymsyz aqparatty jariialaimyn dep qorqytyp, 1,2 million teńge talap etken.
Atalǵan jait boiynsha qylmystyq is qozǵaldy. Qajetti tergeý amaldary júrgizilýde. Kúdikti ýaqytsha ustaý izoliatoryna qamaldy.
Politsiia eskertedi: qandai da bir qysym kórsetý, qorqytý jáne bopsalaý áreketteri qylmystyq jaýapkershilikke ákep soǵady.
