شىمكەنتتە ءمۇعالىمدى بوپسالاعان بلوگەر ۇستالدى، دەپ حابارلايدى Dalanews.kz قالالىق پوليسيا دەپارتامەنتىنە سىلتەمە جاساپ.
قالاداعى مەكتەپتەردىڭ ءبىرىنىڭ وكىلىنىڭ ارىزى بويىنشا پوليسيا دەپارتامەنتىنىڭ قىزمەتكەرلەرىمەن ءىرى كولەمدە اقشا بوپسالاعان كۇدىكتى س. ۇستالدى.
الدىن الا مالىمەتتەرگە سايكەس، كۇدىكتى ءوزىنىڭ مەديا تانىمالدىلىعىن پايدالانىپ، جاعىمسىز اقپاراتتى جاريالايمىن دەپ قورقىتىپ، 1،2 ميلليون تەڭگە تالاپ ەتكەن.
اتالعان جايت بويىنشا قىلمىستىق ءىس قوزعالدى. قاجەتتى تەرگەۋ امالدارى جۇرگىزىلۋدە. كۇدىكتى ۋاقىتشا ۇستاۋ يزولياتورىنا قامالدى.
پوليسيا ەسكەرتەدى: قانداي دا ءبىر قىسىم كورسەتۋ، قورقىتۋ جانە بوپسالاۋ ارەكەتتەرى قىلمىستىق جاۋاپكەرشىلىككە اكەپ سوعادى.
