Memleket basshysy agrarlyq salaǵa asa mán berip, aýyl sharýashylyǵynyń damýyna barynsha qoldaý kórsetýdi tapsyrǵan bolatyn. Osy oraıda Ordabasy aýdanynda agrarlyq sektordy damytýǵa baǵyttalǵan erekshe is-shara ótti, - dep habarlaıdy Dalanews.kz
Aýdan basshylyǵy «Agromash holdıń» aksıonerlik qoǵamymen birlesip, aýyl sharýalaryn tanymal brendtegi otandyq zamanaýı aýylsharýashylyǵy tehnıkalarymen jáne agregattarmen tanystyrý úshin «LOVOL FEST» (LOVOL FEST) festıvalin uıymdastyrdy.
Festıválde aýqymdy aýylsharýashylyq kórmesi usynyldy. Festıváldiń resmı ashylýynda aýdan ákimi sharanyń mańyzdylyǵyna toqtalyp, búgingi bastamaǵa sáttilik tiledi.
Shara aıasynda festıvál qonaqtaryna «Agromash holdıń» zaýytynyń «LOVOL» brendiniń aýylsharýashylyq tehnıkalary men agregattary tanystyryldy.
Odan soń bul mańyzdy shara aýylsharýashylyǵy ónimderi prezentasıasy, test draıv demonstrasıalyq kórsetilimi (tehnıkalardyń jumys isteý qaýqaryn is-júzinde kórsetý), merekelik túski as, qundy syılyqtar utysy, otandyq juldyzdardyń óner kórsetýi syndy mándi sharalarmen tolyqty.
Bul shara aýdandaǵy aýyl sharýashylyǵyna zamanaýı tehnıkalardy qoldaný aıasyn keńeıtýge yqpal etedi dep kútilýde.
Aıta keteıik, atalmysh festıvál elimizde alǵash ret uıymdastyrylyp otyr.
