Áleýmettik jelilerde Aqtaý mańyndaǵy Kók shyǵanaqta eki jigittiń sýǵa batyp kóz jumǵany týraly aqparat tarady. Bul qaiǵyly oqiǵany Mańǵystaý oblystyq Tótenshe jaǵdailar departamenti rastady, dep habarlaidy dalanews.kz.
Vedomstvonyń málimetinshe, oqiǵa 26 maýsym kúni keshki saǵat 20:40 shamasynda Aqtaýdan 64 shaqyrym qashyqtyqtaǵy Túpqaraǵan aýdanyndaǵy Kók shyǵanaqta bolǵan.
Izdestirý-qutqarý jumystary barysynda mamandar teńizden 2001 jyly týǵan eki azamattyń máiitin shyǵaryp, jaǵaǵa jetkizdi.
Aldyn ala málimet boiynsha, marqumdar shomylýǵa tyiym salynǵan aýmaqta sýǵa túsken. Olardy izdeýge Tótenshe jaǵdailar departamentiniń qyzmetkerleri men qutqarýshylary, arnaiy tehnika jáne júzý quraldary jumyldyryldy.
Osyǵan bailanysty qutqarýshylar turǵyndar men óńir qonaqtaryn sýdaǵy qaýipsizdik talaptaryn qatań saqtaýǵa shaqyrdy. Mamandar tek arnaiy jabdyqtalǵan ári shomylýǵa ruqsat etilgen oryndarda ǵana sýǵa túsýdi, teńiz qatty tolqyǵan kezde sýǵa kirmeýdi jáne balalardy qaraýsyz qaldyrmaýdy eskertti.
"Óz ómirińiz ben jaqyndaryńyzdyń qaýipsizdigine jaýapkershilikpen qarańyzdar", – dep úndeý jasady qutqarýshylar.
