Freedom Finance kompaniiasy Almatyda ótip jatqan QazTAG halyqaralyq aqparat agenttigi ókilderine qatysty qylmystyq is boiynsha sot protsesin jabyq rejimde ótkizýdi surady, dep habarlaidy dalanews.kz.
Kompaniia ókilderiniń aitýynsha, sot barysynda bank qupiiasyna jatatyn málimetter jariia etilýi múmkin. Osyǵan bailanysty olar Almaly aýdandyq sotyna tiisti ótinishhat bergen.
Sot otyrysynda QazTAG bas direktory Áset Mataevtyń advokaty Elena Jigalenok isti prokýrorǵa qaitarýdy suraǵan.
Freedom Finance ókilderi qylmystyq is materialdaryn zertteý kezinde bank qupiiasyn quraityn aqparat qaralatynyn alǵa tartyp, protsesti jabyq formatta ótkizýdi talap etti.
Aita keteiik, bul is boiynsha sot protsesi birneshe ret keiinge shegerilgen. Buǵan deiin QazTAG bas redaktory Ámir Qasenov qurǵaq ashtyq jariialap, keiin densaýlyǵyna bailanysty ony toqtatqanyn jáne sot protsesine tolyq qatysatynyn málimdegen edi.
Sondai-aq sot buǵan deiin Qasenovke qatysty bultartpaý sharasyn ózgertip, úiqamaqtyń ornyna qamaýǵa alý týraly sheshim shyǵarǵan. Buǵan onyń burynǵy bultartpaý sharasynyń talaptaryn birneshe ret buzǵany negiz bolǵan.
Freedom Finance bul isti kompaniianyń iskerlik bedelin qorǵaý máselesi dep baǵalaidy. Kompaniia advokaty Nazerke Rizabekovanyń aitýynsha, agenttik jariialaǵan aqparattar burynnan sot daýynyń nysanyna ainalǵan jáne redaktsiia áreketteri maqsatty aqparattyq naýqannyń belgilerin kórsetken.
Al QazTAG redaktsiiasy bul aiyptaýlardy joqqa shyǵaryp, jariialanǵan materialdar azamattardyń ótinishteri negizinde daiyndalǵanyn jáne olardyń jýrnalistik qyzmet aiasynda jariialanǵanyn málimdegen.
Qazirgi ýaqytta taraptardyń dálelderi men is materialdaryna quqyqtyq baǵany sot beredi.
