Qazaqstanda biylǵy bes aidyń ishinde alaiaqtar dropperlerdiń kómegimen shamamen 400 mln teńgeni qolma-qol aqshaǵa ainaldyrǵan. Bul týraly Bas prokýratýra málimdedi, dep habarlaidy dalanews.kz.
Vedomstvonyń málimetinshe, mundai qylmys úshin 7 jylǵa deiin bas bostandyǵynan aiyrý jazasy qarastyrylǵan.
Mysal retinde Batys Qazaqstan oblysynda bolǵan oqiǵa keltirildi. Onda jeti stýdent ózderiniń bank shottaryna qoljetimdilikti alaiaqtarǵa bergeni úshin 3 jylǵa bas bostandyǵyn shekteý jazasyna kesilgen.
2025 jylǵy 16 qyrkúiekten beri Qylmystyq kodekstiń 232-1-baby boiynsha 700-den astam qylmystyq is tirkelgen. Jaýapkershilikke 216 adam tartylyp, olardyń 202-si sottalǵan.
Bas prokýratýra buǵan deiin bank shottary men tólem kartalaryn úshinshi tulǵalarǵa paidalanýǵa bergen azamattardy bankke júginip, kartalaryn buǵattaýǵa shaqyrdy. Sondai-aq qylmystyq shemaǵa tartylǵany týraly óz erkimen habarlap, quqyq qorǵaý organdaryna qylmystyń ashylýyna kómektesken azamattar qylmystyq jaýapkershilikten bosatylatyny aityldy.
