قازاقستاندا بيىلعى بەس ايدىڭ ٸشٸندە الاياقتار دروپپەرلەردٸڭ كٶمەگٸمەن شامامەن 400 ملن تەڭگەنٸ قولما-قول اقشاعا اينالدىرعان. بۇل تۋرالى باس پروكۋراتۋرا مەلٸمدەدٸ, دەپ حابارلايدى dalanews.kz.
ۆەدومستۆونىڭ مەلٸمەتٸنشە, مۇنداي قىلمىس ٷشٸن 7 جىلعا دەيٸن باس بوستاندىعىنان ايىرۋ جازاسى قاراستىرىلعان.
مىسال رەتٸندە باتىس قازاقستان وبلىسىندا بولعان وقيعا كەلتٸرٸلدٸ. وندا جەتٸ ستۋدەنت ٶزدەرٸنٸڭ بانك شوتتارىنا قولجەتٸمدٸلٸكتٸ الاياقتارعا بەرگەنٸ ٷشٸن 3 جىلعا باس بوستاندىعىن شەكتەۋ جازاسىنا كەسٸلگەن.
2025 جىلعى 16 قىركٷيەكتەن بەرٸ قىلمىستىق كودەكستٸڭ 232-1-بابى بويىنشا 700-دەن استام قىلمىستىق ٸس تٸركەلگەن. جاۋاپكەرشٸلٸككە 216 ادام تارتىلىپ, ولاردىڭ 202-سٸ سوتتالعان.
باس پروكۋراتۋرا بۇعان دەيٸن بانك شوتتارى مەن تٶلەم كارتالارىن ٷشٸنشٸ تۇلعالارعا پايدالانۋعا بەرگەن ازاماتتاردى بانككە جٷگٸنٸپ, كارتالارىن بۇعاتتاۋعا شاقىردى. سونداي-اق قىلمىستىق سحەماعا تارتىلعانى تۋرالى ٶز ەركٸمەن حابارلاپ, قۇقىق قورعاۋ ورگاندارىنا قىلمىستىڭ اشىلۋىنا كٶمەكتەسكەن ازاماتتار قىلمىستىق جاۋاپكەرشٸلٸكتەن بوساتىلاتىنى ايتىلدى.
