مەملەكەت باسشىسى اگرارلىق سالاعا اسا ءمان بەرىپ، اۋىل شارۋاشىلىعىنىڭ دامۋىنا بارىنشا قولداۋ كورسەتۋدى تاپسىرعان بولاتىن. وسى ورايدا ورداباسى اۋدانىندا اگرارلىق سەكتوردى دامىتۋعا باعىتتالعان ەرەكشە ءىس-شارا ءوتتى، - دەپ حابارلايدى Dalanews.kz
اۋدان باسشىلىعى «اگروماش حولدينگ» اكسيونەرلىك قوعامىمەن بىرلەسىپ، اۋىل شارۋالارىن تانىمال برەندتەگى وتاندىق زاماناۋي اۋىلشارۋاشىلىعى تەحنيكالارىمەن جانە اگرەگاتتارمەن تانىستىرۋ ءۇشىن «لوۆول فەست» (LOVOL FEST) فەستيۆالىن ۇيىمداستىردى.
فەستيۆالدە اۋقىمدى اۋىلشارۋاشىلىق كورمەسى ۇسىنىلدى. فەستيۆالدىڭ رەسمي اشىلۋىندا اۋدان اكىمى شارانىڭ ماڭىزدىلىعىنا توقتالىپ، بۇگىنگى باستاماعا ساتتىلىك تىلەدى.
شارا اياسىندا فەستيۆال قوناقتارىنا «اگروماش حولدينگ» زاۋىتىنىڭ «LOVOL» برەندىنىڭ اۋىلشارۋاشىلىق تەحنيكالارى مەن اگرەگاتتارى تانىستىرىلدى.
ودان سوڭ بۇل ماڭىزدى شارا اۋىلشارۋاشىلىعى ونىمدەرى پرەزەنتاسياسى، تەست درايۆ دەمونستراسيالىق كورسەتىلىمى (تەحنيكالاردىڭ جۇمىس ىستەۋ قاۋقارىن ىس-جۇزىندە كورسەتۋ)، مەرەكەلىك تۇسكى اس، قۇندى سىيلىقتار ۇتىسى، وتاندىق جۇلدىزداردىڭ ونەر كورسەتۋى سىندى ءماندى شارالارمەن تولىقتى.
بۇل شارا اۋدانداعى اۋىل شارۋاشىلىعىنا زاماناۋي تەحنيكالاردى قولدانۋ اياسىن كەڭەيتۋگە ىقپال ەتەدى دەپ كۇتىلۋدە.
ايتا كەتەيىك، اتالمىش فەستيۆال ەلىمىزدە العاش رەت ۇيىمداستىرىلىپ وتىر.
