Týrızm jáne sport mınıstri Erbol Myrzabosynov Almatydaǵy júgirý marafony kezinde bolǵan jaıtqa qatysty pikir bildirdi, dep habarlaıdy Dalanews.kz.
Mınıstr Almatyda ótken jartylaı marafon kezinde eki qatysýshynyń qaza tabýy – aýyr ári erekshe nazar aýdarýdy qajet etetin jaǵdaı ekenin atap ótti.
"Qazirgi ýaqytta oqıǵa boıynsha tolyqqandy tekseris júrgizilip jatyr. Qatysýshylardyń densaýlyq jaǵdaıy, jarysty uıymdastyrý tártibi, medısınalyq qamtamasyz etý deńgeıi men qaýipsizdik reglamenti jan-jaqty saraptalady. Jergilikti atqarýshy organdar ótkizetin mundaı sharalarǵa talapty kúsheıtemiz. Buqaralyq sport qaýipsiz ári kásibı deńgeıde uıymdastyrylýy tıis. Týrızm jáne sport mınıstrligi bul baǵytta naqty usynystar ázirlep, tıisti qurylymdarǵa joldaıdy. Qaza bolǵan azamattardyń jaqyndaryna kóńil aıtamyn!", deıdi mınıstr.
Aıta keteıik, kúni keshe Almatydaǵy júgirý marafony kezinde 21 jáne 84 jastaǵy eki adam qaıtys bolǵan edi.
