Almatyda 4 qazannan bastap aqyly avtoturaqtardyń saralanǵan tarifteri engiziledi. Bul týraly «Vechernii Almaty» basylymy jariialaǵan tizimde aitylǵan, dep habarlaidy dalanews.kz.
Jańa júiege sáikes, qaladaǵy turaq oryndarynyń quny ornalasqan jerine, suranys deńgeiine jáne kólik aǵynynyń tyǵyzdyǵyna qarai 100, 150 jáne 200 teńge bolyp belgilenedi.
Eń tómengi tarif – 100 teńge. Bul sanatqa Tilendiev, Brýsilovskii, Turkebaev, Muratbaev kósheleriniń birqatar bólikteri, Abai dańǵylynyń kei ýchaskeleri jáne basqa da kósheler engizilgen.
150 teńgelik tarif Manas, Baizaqov, Áýezov, Jarokov, Tóle bi, Gagarin kósheleri men dańǵyldarynyń jekelegen bólikterinde qoldanylady. Sondai-aq bul sanatqa «Sairan» avtoturaǵy, Bas botanikalyq baqtyń ońtústik kireberisi mańyndaǵy turaq oryndary jáne birqatar saýda nysandarynyń janyndaǵy avtoturaqtar kiredi.
Al eń joǵary tarif – 200 teńge. Ol ál-Farabi dańǵyly boiyndaǵy «Nurly Taý» biznes ortalyǵynyń mańynda, Dostyq, Seifýllin, Abylai han dańǵyldarynyń, sondai-aq Panfilov, Qonaev, Jeltoqsan, Tóle bi, Qazybek bi jáne qala ortalyǵyndaǵy ózge de kóshelerdiń jekelegen ýchaskelerinde belgilenedi.
Almaty ákimdiginiń málimetinshe, saralanǵan tarifter 4 qazannan bastap kúshine enedi. Sonymen qatar, aqyly avtoturaqtarǵa jaqyn mańda turatyn turǵyndar úshin turǵylyqty mekenjaiy boiynsha avtoturaqtardy tegin paidalaný múmkindigi saqtalady.
