Jasandy intellektini damytýda elder eń aldymen jaýapkershilik pen adaldyq qaǵidattaryn basshylyqqa alýy kerek. Prezident Qasym-Jomart Toqaev Astanada ótip jatqan AI & Digital Bridge 2026 forýmynda osy máselege erekshe toqtaldy, dep habarlaidy dalanews.kz.
Memleket basshysy AQSh Prezidenti Donald Tramptyń bastamasymen jetekshi amerikalyq tehnologiialyq kompaniialar arasynda sýperintellekt jónindegi kelisimge qol qoiylǵanyn atap ótti.
«Prezident Donald Tramptyń bastamasymen jetekshi amerikalyq tehnologiialyq kompaniialar jaqynda sýperintellekt jónindegi kelisimge qol qoiǵanyn atap ótkim keledi. Meniń oiymsha, bul tásildi múddeli elder jan-jaqty talqylaǵannan keiin jahandyq deńgeide qabyldaýǵa bolatyn úlgi retinde qarastyrýǵa bolady», – dedi Qasym-Jomart Toqaev.
Prezidenttiń pikirinshe, jasandy intellektini basqarý máselesinde iri tehnologiialyq kompaniialar men memleketter arasyndaǵy osyndai kelisimder bolashaqtaǵy halyqaralyq erejelerdi qalyptastyrýǵa negiz bola alady. Iaǵni AQSh-taǵy bul bastama keiin basqa memleketterdiń qatysýymen keńirek halyqaralyq qujat ázirleýge úlgi bolýy múmkin.
Qazaqstan basshysy elimizdiń de jasandy intellektini damytý men tsifrlyq transformatsiia baǵytynda júieli jumys júrgizip jatqanyn aitty. Buǵan deiin Qazaqstanda tsifrlandyrý men jasandy intellektini damytýǵa arnalǵan birqatar bastama qolǵa alynǵan. 2026 jyl Qazaqstanda Tsifrlandyrý jáne jasandy intellekt jyly bolyp jariialanǵan.
Toqaevtyń aitýynsha, jasandy intellekt ekonomikanyń naqty sektorynda da keńinen qoldanylýy kerek. Onyń ishinde eńbek ónimdiligin arttyrý, óndiristi jańǵyrtý jáne joǵary qosylǵan quny bar ónim shyǵarý mańyzdy baǵyttardyń qatarynda.
Osy taqyryptar AI & Digital Bridge 2026 forýmynyń negizgi kún tártibine ainalyp otyr. Astanada ótip jatqan sharada jasandy intellektini damytý, ony ekonomikaǵa engizý, kadr daiarlaý jáne tehnologiialardy qaýipsiz paidalaný máseleleri talqylanýda.
