2019 جىلى حاليفا التاي مەشىتىندە يسلام مادەنيەتى مۇراجايى اشىلدى، وندا قازاقستاندا يسلامنىڭ پايدا بولۋى مەن دامۋىنىڭ بۇكىل تاريحى: كونە تۇركى نانىم-سەنىمىنەن باستاپ قازىرگى يسلامعا دەيىن بەينەلەنگەن.
ايتا كەتەيىك، مۇندا قاعبانىڭ ماكەتتەرىنەن باستاپ، "حاليفا التاي" مەشىتىنىڭ، قوجا احمەت ياسساۋي كەسەنەسىندەگى تايقازاننىڭ، سەمەي قالاسىنىڭ قوس مۇنارالى مەشىتىنىڭ ماكەتتەرىن، بۇحارادان اكەلىنگەن ءياسساۋيدىڭ "ديۋاني حيكمەت" كىتابىنىڭ ءتۇپنۇسقاسىنا دەيىن، سونداي-اق بالبال تاس جانە كوپتەگەن قۇندى جادىگەرلەردى كورۋگە بولادى.
– مۇراجايدا ەڭ قۇندى نارسە – كىتاپتار. شقو اكىمى دانيال احمەتوۆتىڭ قولداۋىمەن XVI-XVIII عاسىرلارداعى 52 جازباشا دەرەككوزدى ساتىپ الىنعان.
مۇندا قازاقستان تاريحى، يسلام، قازاقتاردىڭ ءداستۇرى تۋرالى كىتاپتار بار. سەنسورلىق ەكرانمەن جانە دىبىستىق سۇيەمەلدەۋمەن جابدىقتالعان ينتەراكتيۆتى قۇران بار. مەشىتكە كەلۋشلەر ونى ءتورت تىلدە وقي الادى. مۇنداي قۇران قازاقستانداعى جالعىز جانە ول ءبىزدىڭ وبلىستا، – دەدى شقو بويىنشا باس يمام ەرمەك قاجى مۇقاتاي.
دانيال احمەتوۆ بۇل كىتاپتار الەمنىڭ ءتۇرلى ەلدەرىنەن اكەلىنگەنىن ايتا كەلە الداعى ۋاقىتتا تاعى 25-30 كىتاپ ساتىپ الىناتىنىن العا تارتتى.
سونىمەن قاتار، ەرمەك قاجى مۇقاتاي باسقا ايماقتاردان اكەلىنگەن XIX-XX عاسىرلارعا جاتاتىن قازاق مادەنيەتىمەن بىتە قايناسقان سيرەك كەزدەسەتىن كىلەمدەردى كورسەتتى.
پرەمەر-مينيستردىڭ ورىنباسارى التاي كولگىنوۆ ءوز كەزەگىندە ەجەلگى قولجازبالاردىڭ جۇرتشىلىققا تانىستىرۋ ءۇشىن ءار ءتۇرلى تىلدەرگە اۋدارۋ قاجەتتىگىن اتاپ ءوتتى. ال بۇل ەكسپوزيسيادان ءار كەلۋشى ەرەكشە اسەر الىپ قايتاتىنى ءسوزسىز.
