قازاقستاندا 2025 جىلدىڭ قاڭتار–تامىز ايلارىندا اۆتوماتتى تىركەۋ جۇيەسى جول قوزعالىسى ەرەجەسىن بۇزۋدىڭ 7،2 ميلليون دەرەگىن انىقتادى. جينالعان ايىپپۇلداردىڭ جالپى سوماسى 82،8 ملرد تەڭگەنى قۇرادى، دەپ حابارلايدى Dalanews.kz.

ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىنىڭ مالىمەتىنشە، بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 25%-عا كوپ.

ءبىرىنشى كرەديت بيۋروسىنىڭ دەرەگىنشە، ەرەجە بۇزۋشىلىقتاردىڭ باسىم بولىگى ھجىلدامدىقتى اسىرۋعا قاتىستى – 4،3 ميلليون جاعداي (+7% ج/ج). سونداي-اق، جول بەلگىلەرى مەن تاڭبالارىن ەلەمەۋ دە ايتارلىقتاي ءجيى تىركەلگەن – 2 ميلليون دەرەك (+46% ج/ج). ەكى ساناتتىڭ ۇلەسى بارلىق زاڭبۇزۋشىلىقتاردىڭ 89%-ىن قۇراپ وتىر.

ايىپپۇلدار قۇرىلىمىندا «توقتاۋ نەمەسە تۇراققا قويۋ ەرەجەسىن بۇزۋ» (+128%، 447 مىڭ دەرەك) جانە «باعدارشامنىڭ قىزىل تۇسىنە ءوتىپ كەتۋ» (+183%، 361 مىڭ دەرەك) باپتارى دا ەرەكشە كوزگە ءتۇستى. وسى ەكى قۇقىقبۇزۋشىلىق جالپى كورسەتكىشتىڭ شامامەن 11%-ىن بەرىپ وتىر.

جالپى ايىپپۇل سوماسىنىڭ 82،8 ملرد تەڭگەسىنىڭ 70،2 ملرد تەڭگەسى وندىرىلگەن.

باس پروكۋراتۋرانىڭ دەرەگىنشە، بيىلعى جىلدان باستاپ اۋىر جۇك كولىكتەرىنىڭ سالماق پارامەترلەرىن باقىلاۋ كۇشەيتىلگەن. سونىڭ ناتيجەسىندە 5 مىڭنان استام ارتىق جۇكتەمە فاكتىسى تىركەلدى.

بيلىك 2026 جىلعا دەيىن اۆتوماتتى تىركەۋ جۇيەسىن كەڭەيتىپ، اۆتوماتتى سالماق ولشەۋ كەشەندەرىنىڭ سانىن قازىرگى 50-دەن 220-عا دەيىن ارتتىرۋدى جوسپارلاپ وتىر.