Qazaqstanda 2025 jyldyń qańtar–tamyz ailarynda avtomatty tirkeý júiesi jol qozǵalysy erejesin buzýdyń 7,2 million deregin anyqtady. Jinalǵan aiyppuldardyń jalpy somasy 82,8 mlrd teńgeni qurady, dep habarlaidy Dalanews.kz.
QR Bas prokýratýrasynyń Quqyqtyq statistika jáne arnaiy esepke alý komitetiniń málimetinshe, bul kórsetkish ótken jyldyń sáikes kezeńimen salystyrǵanda 25%-ǵa kóp.
Birinshi kredit biýrosynyń dereginshe, ereje buzýshylyqtardyń basym bóligi hjyldamdyqty asyrýǵa qatysty – 4,3 million jaǵdai (+7% j/j). Sondai-aq, jol belgileri men tańbalaryn elemeý de aitarlyqtai jii tirkelgen – 2 million derek (+46% j/j). Eki sanattyń úlesi barlyq zańbuzýshylyqtardyń 89%-yn qurap otyr.
Aiyppuldar qurylymynda «Toqtaý nemese turaqqa qoiý erejesin buzý» (+128%, 447 myń derek) jáne «Baǵdarshamnyń qyzyl túsine ótip ketý» (+183%, 361 myń derek) baptary da erekshe kózge tústi. Osy eki quqyqbuzýshylyq jalpy kórsetkishtiń shamamen 11%-yn berip otyr.
Jalpy aiyppul somasynyń 82,8 mlrd teńgesiniń 70,2 mlrd teńgesi óndirilgen.
Bas prokýratýranyń dereginshe, biylǵy jyldan bastap aýyr júk kólikteriniń salmaq parametrlerin baqylaý kúsheitilgen. Sonyń nátijesinde 5 myńnan astam artyq júkteme faktisi tirkeldi.
Bilik 2026 jylǵa deiin avtomatty tirkeý júiesin keńeitip, avtomatty salmaq ólsheý keshenderiniń sanyn qazirgi 50-den 220-ǵa deiin arttyrýdy josparlap otyr.
