بٷگٸن استانا قالاسىنىڭ يپپودروم الاڭىندا اقتٶبە وبلىسىنىڭ اۋىل شارۋاشىلىعى تاۋار ٶندٸرۋشٸلەرٸنٸڭ قاتىسۋىمەن جەرمەڭكە باستالدى. جەرمەڭكە ەرتەڭ, 14 قىركٷيەككە دەيٸن سوزىلادى,- دەپ حابارلايدى Dalanews.kz
ٸس-شاراعا وبلىستىڭ 12 اۋدانى جەنە اقتٶبە قالاسىنان 20-دان استام اۋىل شارۋاشىلىعى تاۋار ٶندٸرۋشٸلەرٸ مەن قايتا ٶڭدەۋشٸ كەسٸپورىندار قاتىسىپ وتىر.
جەرمەڭكەنٸڭ اشىلۋىنا اقتٶبە وبلىسى ەكٸمٸنٸڭ ورىنباسارى عالىمجان ەلەۋوۆ, اۋىل شارۋاشىلىعى باسقارماسىنىڭ باسشىسى اسقار جٷسٸباليەۆ ارنايى بارىپ, جەرمەڭكەنٸڭ ٶتۋ بارىسىمەن تانىستى.
كەلۋشٸلەرگە كونتسەرتتٸك باعدارلاما ۇسىنىلدى.
جەرمەڭكەدە ەلوردالىقتار مەن قالا قوناقتارىنا 73,2 توننا ەت, 39 توننا كارتوپ پەن كٶكٶنٸس, 8,9 توننا سٷت ٶنٸمدەرٸ, 24 مىڭ دانا جۇمىرتقا, 3,5 توننا بالىق, 7,1 توننا شۇجىق ٶنٸمدەرٸ, 11 توننا ۇن جەنە ۇن ٶنٸمدەرٸ, 5 توننا الكوگولسٸز سۋسىندار, 2,4 توننا كونديتەرلٸك ٶنٸم جەنە 25,5 توننا ٶزگە دە تاۋارلار ۇسىنىلۋدا. جالپى كٶلەمٸ 213,3 توننا ٶنٸم جەتكٸزٸلگەن.
باعالار استانا بازارلارىنداعى قۇننان 15-20 پايىزعا تٶمەن.
«بٷگٸنگٸ جەرمەڭكەگە بٸز اقتٶبە وبلىسىنىڭ قارعالى اۋدانىنان كەلٸپ وتىرمىز. نەگٸزٸنەن ەت ٶنٸمدەرٸن – جىلقى ەتٸ, سيىر ەتٸ, قوي ەتٸن ەكەلدٸك. بۇدان بٶلەك, كارتوپ, كٶكٶنٸس جەنە جەرگٸلٸكتٸ كەسٸپكەرلەردٸڭ شۇجىق ٶنٸمدەرٸ ۇسىنىلدى. بيىلعى شارا ٶتە جوعارى دەڭگەيدە ۇيىمداستىرىلعان. ەلوردالىق جەرمەڭكە دەستٷرگە اينالىپ كەلەدٸ. بٸز بىلتىرعى جىلى دا قاتىستىق, بيىل دا كەلدٸك, الداعى جىلدارى دا كەلەتٸن بولامىز.
استانالىق تۇرعىندار مەن كەلۋشٸلەردٸڭ قاراسى كٶپ. ساتۋشىلار دا كٶڭٸلدٸ, ريزاشىلىقتارىن بٸلدٸرۋدە. نەگٸزٸنەن بٸزدٸڭ ٶنٸمدەرٸمٸز جەرگٸلٸكتٸ تاۋار ٶندٸرۋشٸلەردٸڭ باعاسىنان 15–20 پايىزعا تٶمەن باعادا ساتىلۋدا», - دەدٸ قارعالى اۋدانى ەكٸمٸنٸڭ ورىنباسارى بەكزات باداكوۆ.
سونىمەن قاتار ٶڭدەۋ كەسٸپورىندارى دا ٶز ٶنٸمدەرٸن ەكەلدٸ. ولاردىڭ قاتارىندا «ايس+» جشس مەن «اگروفيرما تاۋ» جشس-نىڭ سٷت ٶنٸمدەرٸ, «شىڭعىس», «ابىلاي», «شەكشەك اتا» قوجالىقتارىنىڭ قىمىز, شۇبات, ەشكٸ سٷتٸ, «جاڭا-ەلجان ديٸرمەن كومبيناتى» جشس مەن «رامازان» جشس-نىڭ ۇن جەنە ماكارون ٶنٸمدەرٸ, «سپك ايبەك», «ستەپنوە», «روكوس» جشس-نىڭ ەت كونسەرۆٸلەرٸ مەن شۇجىق ٶنٸمدەرٸ, سونداي-اق جىلىجاي ٶنٸمدەرٸ مەن الكوگولسٸز سۋسىندار بار.
«اۋىل اماناتى» باعدارلاماسى اياسىندا ٶڭدەلگەن ٶنٸمدەر دە ساۋداعا شىعارىلۋدا.
جەرمەڭكەدە ٶنٸمدەردٸ تيٸمدٸ باعامەن ساتىپ العان ەلوردالىقتار ٶز ريزاشىلىقتارىن بٸلدٸردٸ.
