اباي وبلىسىنىڭ اكىمى نۇرلان ۇرانحايەۆ وكق-دا وتكەن بريفينگىدە الاكولگە اپاراتىن جولدىڭ ناشار ەكەندىگى تۋرالى سىنعا جاۋاپ بەردى. ول كۋرورتتىق ايماققا ۇشاقپەن ۇشىپ بارۋعا بولاتىنىن ايتتى.

الاكولدىڭ جولى تۋرالى ماسەلەنى جۋرناليستەر كوتەردى. ولار وتكەن جىلى ءوڭىر تۇرعىندارى جولدىڭ جاعدايىنا شاعىمدانعانىن جانە ونىڭ ءالى كۇنگە دەيىن وركەنيەتتى قالىپقا كەلتىرۋ مۇمكىن بولماي جاتقانىن اتاپ ءوتتى. وسىعان بايلانىستى جۋرناليستەر وسى باعىتتا قانداي جۇمىستار اتقارىلىپ جاتقانىن نەمەسە جوسپارلانعانىن سۇرادى.

"ومبى-مايقاپشاعاي" جولى تۋرالى ايتىپ وتىرعان بولارسىز، ول 2025 جىلى تولىعىمەن اياقتالادى. قازىرگى ۋاقىتتا بىزدە الاكولگە دەيىن، بۇل - اياگوزدەن ارى قاراي شاعىن شاعىن ۋچاسكە، ياعني شامامەن 30 شاقىرىمى ناشار ەكەنى راس جانە 92 شاقىرىمنىڭ 90 شاقىرىمىنا جۋىعى. وتكەندە اۆتوجول كوميتەتىنىڭ وكىلدەرىمەن سويلەستىم، ولار بيىل جابىق تۇستى اشىپ، كەلەسى جىلى جولدى تولىعىمەن اياقتاۋعا ۋادە بەردى"، - دەدى نۇرلان ۇرانحايەۆ.

سونداي-اق ول استانا مەن سەمەي قالالارىنان الاكولگە ۇشاقتار ۇشاتىنىن ايتتى.

"ءۇرجاردا ۇشۋ-قونۋ جولاعى جاسالدى، اۋەجاي دايىن، ۇشاقپەن ۇشۋعا بولادى. مىسالى، استانادان 1 ساعات 20 مينۋتتا جەتەدى"، - دەدى ءوڭىر باسشىسى.

دەرەككوز: Stan.kz