قازاقستاندا بالاسى 1,5 جاسقا تولماي جۇمىسقا شىققان ەيەلدەردٸڭ بالا كٷتٸمٸنە بايلانىستى ەلەۋمەتتٸك تٶلەمٸ ساقتالادى. سونىمەن قاتار بالا تۋۋىنا بايلانىستى بيۋدجەتتەن تٶلەنەتٸن جەردەماقىلاردى تاعايىنداۋ كەزٸندە وتباسىنىڭ ەل-اۋقات دەڭگەيٸ ەسكەرٸلەدٸ, دەپ حابارلايدى dalanews.kz.
بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترٸ اسقاربەك ەرتاەۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا مەلٸمدەدٸ.
مينيستردٸڭ ايتۋىنشا, ەلەۋمەتتٸك ساقتاندىرۋ جٷيەسٸنە كەمٸندە ەكٸ جىل قاتىسقان ەيەلدەرگە مەملەكەتتٸك ەلەۋمەتتٸك ساقتاندىرۋ قورىنان تٶلەنەتٸن بالا كٷتٸمٸنە بايلانىستى ەلەۋمەتتٸك تٶلەم وتباسىنىڭ ەل-اۋقات ساناتىنا قاراماستان ساقتالادى.
ال رەسپۋبليكالىق بيۋدجەت ەسەبٸنەن بەرٸلەتٸن جەردەماقىلاردى تاعايىنداۋ تەرتٸبٸ ٶزگەرەدٸ. اتاپ ايتقاندا, جۇمىس ٸستەمەيتٸن ەيەلدەرگە تٶلەنەتٸن بالا تۋۋىنا بايلانىستى بٸرجولعى جەردەماقى مەن بالا 1,5 جاسقا تولعانعا دەيٸنگٸ اي سايىنعى جەردەماقى وتباسىنىڭ مۇقتاجدىق دەڭگەيٸنە قاراي تاعايىندالادى.
"جۇمىس ٸستەمەيتٸن ەيەلدەرگە بەرٸلەتٸن ەكٸ تٶلەم دە رەسپۋبليكالىق بيۋدجەتتەن قارجىلاندىرىلادى. بۇل – بالا تۋۋىنا بايلانىستى بٸرجولعى جەردەماقى جەنە بالا 1,5 جاسقا تولعانشا بەرٸلەتٸن اي سايىنعى جەردەماقى. ەكٸ تٶلەم دە مۇقتاجدىق دەڭگەيٸنە وراي تاعايىندالادى. ا جەنە ۆ ساناتتارىنداعى وتباسىلارعا اتالعان جەردەماقىلار تاعايىندالمايدى. س, D جەنە ە ساناتتارىنداعى وتباسىلاردىڭ تٶلەمدەردٸ الۋ قۇقىعى ساقتالادى", – دەدٸ مينيستر.
جۇمىسقا ەرتە شىققان انالاردىڭ تٶلەمٸ ساقتالادى
اسقاربەك ەرتاەۆ ەيەلدەردٸڭ ەڭبەك نارىعىنا قايتا ورالۋىنا كەدەرگٸ كەلتٸرەتٸن تاعى بٸر شەكتەۋدٸڭ الىنىپ تاستالعانىن ايتتى.
بۇعان دەيٸن ەيەل بالا كٷتٸمٸ دەمالىسىن اياقتاپ, بالاسى 1,5 جاسقا تولماي جۇمىسقا شىققان جاعدايدا ەلەۋمەتتٸك تٶلەم توقتاتىلاتىن. ەندٸ مۇنداي جاعدايدا تٶلەم بەلگٸلەنگەن مەرزٸم اياقتالعانعا دەيٸن جالعاسادى.
"ەندٸ ەيەلگە جۇمىسقا ورالۋ مەن ەلەۋمەتتٸك تٶلەمدٸ ساقتاپ قالۋدىڭ بٸرٸن تاڭداۋدىڭ قاجەتتٸلٸگٸ بولمايدى. جٷكتٸلٸككە جەنە بوسانۋعا بايلانىستى تٶلەم وتباسىنىڭ ساناتىنا قاراماستان بۇرىنعى تەرتٸپپەن ساقتالادى", – دەدٸ اسقاربەك ەرتاەۆ.
وسىلايشا, ەلەۋمەتتٸك ساقتاندىرۋ جٷيەسٸنە قاتىسقان جۇمىس ٸستەيتٸن انالاردىڭ تٶلەمدەرٸ وتباسىنىڭ ەل-اۋقات دەڭگەيٸنە تەۋەلدٸ بولمايدى. ال بيۋدجەتتەن قارجىلاندىرىلاتىن جەردەماقىلاردى تاعايىنداۋدا وتباسىنىڭ ەلەۋمەتتٸك جاعدايى ەسكەرٸلەدٸ.
