اقش پرەزيدەنتٸ دونالد ترامپ رەسەيگە قارسى جاڭا سانكتسييالاردى ەنگٸزۋدٸ ۋاقىتشا توقتاتۋ تۋرالى شەشٸم قابىلدادى. ول «گرەم زاڭى» اياسىندا قاراستىرىلىپ, 18 قازاندا كٷشٸنە ەنۋٸ تيٸس بولعان, دەپ حابارلايدى dalanews.kz.
اق ٷي جارييالاعان قۇجاتتا رەسەيدٸڭ ەنەرگەتيكالىق رەسۋرستارىن ەڭ كٶپ ساتىپ الاتىن بەس ەلدٸڭ تاۋارلارىنا 100 پايىزعا دەيٸن قوسىمشا باج سالىعىن ەنگٸزۋ ۋاقىتشا توقتاتىلعان. سونىمەن قاتار رەسەي تاۋارلارىنا 500 پايىزدىق باج سالىعىن قولدانۋ مەسەلەسٸ دە كەيٸنگە قالدىرىلعان.
قۇجاتتا سانكتسييالىق شارالار اقش پرەزيدەنتٸ نەمەسە مەملەكەتتٸك حاتشىسى قوسىمشا ەرەكەت قابىلداۋ قاجەت دەپ شەشكەنگە دەيٸن قولدانىلمايتىنى كٶرسەتٸلگەن.
سونىمەن بٸرگە ترامپ اقش-تىڭ تيٸستٸ مەملەكەتتٸك ورگاندارىنا رەسەيدٸڭ مۇناي مەن گاز جەتكٸزٸلٸمدەرٸن باقىلاۋدى تاپسىرعان. ەگەر ۆاشينگتوننىڭ ۇستانىمىن قايتا قاراۋعا نەگٸز بولاتىن جاعدايلار انىقتالسا, بۇل تۋرالى اق ٷيگە جەدەل حابارلانۋى تيٸس.
الايدا جاڭا شەشٸم اقش-تىڭ رەسەيگە قارسى بۇعان دەيٸن ەنگٸزگەن سانكتسييالارىنىڭ كٷشٸن جويمايدى.
«گرەم زاڭى» نەنٸ كٶزدەيدٸ?
رەسەيگە قارسى سانكتسييالاردى كٷشەيتۋ تۋرالى باستامانى رەسپۋبليكاشىل سەناتور ليندسي گرەم مەن دەموكرات ريچارد بليۋمەنتال 2025 جىلعى سەۋٸردە كٶتەرگەن.
باستاپقىدا زاڭ جوباسى رەسەي ۋكرايناعا قارسى سوعىسىن جالعاستىرعان كەزەڭدە ونىڭ تاۋارلارىنا 500 پايىزعا دەيٸن كەدەندٸك باج سالىعىن ەنگٸزۋدٸ قاراستىرعان.
كەيٸن قۇجاتقا ٶزگەرٸستەر ەنگٸزٸلٸپ, رەسەيدەن مۇناي مەن گازدى ەڭ كٶپ ساتىپ الاتىن بەس مەملەكەتكە, سونداي-اق ەنەرگەتيكالىق سانكتسييالاردى اينالىپ ٶتۋگە كٶمەكتەسەتٸن ەلدەرگە 100 پايىزدىق باج سالىعىن قولدانۋ مٷمكٸندٸگٸ ۇسىنىلعان.
سونىمەن قاتار رەسەيدەن يمپورتتالاتىن تابيعي گاز ٷلەسٸ جالپى تۇتىنۋدىڭ 15 پايىزىنان اسپايتىن جەنە بۇل يمپورتتى قىسقارتۋ شارالارىن قابىلداپ جاتقان مەملەكەتتەر ٷشٸن ەرەكشەلٸكتەر قاراستىرىلعان.
ترامپ 18 قىركٷيەكتە سانكتسييالاردى كٷشەيتۋ تۋرالى زاڭعا قول قويعان. الايدا ونىڭ جەكەلەگەن ەرەجەلەرٸن ٸسكە اسىرۋدى ەزٸرگە توقتاتا تۇرۋ تۋرالى شەشٸم قابىلدانعان.
وسىلايشا, اقش ەكٸمشٸلٸگٸ رەسەيگە قاتىستى قوسىمشا ەكونوميكالىق قىسىم جاساۋ مٷمكٸندٸگٸن ساقتاي وتىرىپ, جاڭا كەدەندٸك شەكتەۋلەردٸ ەنگٸزۋدٸ كەيٸنگە قالدىرعان.
