AQSh prezidenti Donald Tramp Reseige qarsy jańa sanktsiialardy engizýdi ýaqytsha toqtatý týraly sheshim qabyldady. Ol «Grem zańy» aiasynda qarastyrylyp, 18 qazanda kúshine enýi tiis bolǵan, dep habarlaidy dalanews.kz.
Aq úi jariialaǵan qujatta Reseidiń energetikalyq resýrstaryn eń kóp satyp alatyn bes eldiń taýarlaryna 100 paiyzǵa deiin qosymsha baj salyǵyn engizý ýaqytsha toqtatylǵan. Sonymen qatar Resei taýarlaryna 500 paiyzdyq baj salyǵyn qoldaný máselesi de keiinge qaldyrylǵan.
Qujatta sanktsiialyq sharalar AQSh prezidenti nemese memlekettik hatshysy qosymsha áreket qabyldaý qajet dep sheshkenge deiin qoldanylmaityny kórsetilgen.
Sonymen birge Tramp AQSh-tyń tiisti memlekettik organdaryna Reseidiń munai men gaz jetkizilimderin baqylaýdy tapsyrǵan. Eger Vashingtonnyń ustanymyn qaita qaraýǵa negiz bolatyn jaǵdailar anyqtalsa, bul týraly Aq úige jedel habarlanýy tiis.
Alaida jańa sheshim AQSh-tyń Reseige qarsy buǵan deiin engizgen sanktsiialarynyń kúshin joimaidy.
«Grem zańy» neni kózdeidi?
Reseige qarsy sanktsiialardy kúsheitý týraly bastamany respýblikashyl senator Lindsi Grem men demokrat Richard Bliýmental 2025 jylǵy sáýirde kótergen.
Bastapqyda zań jobasy Resei Ýkrainaǵa qarsy soǵysyn jalǵastyrǵan kezeńde onyń taýarlaryna 500 paiyzǵa deiin kedendik baj salyǵyn engizýdi qarastyrǵan.
Keiin qujatqa ózgerister engizilip, Reseiden munai men gazdy eń kóp satyp alatyn bes memleketke, sondai-aq energetikalyq sanktsiialardy ainalyp ótýge kómektesetin elderge 100 paiyzdyq baj salyǵyn qoldaný múmkindigi usynylǵan.
Sonymen qatar Reseiden importtalatyn tabiǵi gaz úlesi jalpy tutynýdyń 15 paiyzynan aspaityn jáne bul importty qysqartý sharalaryn qabyldap jatqan memleketter úshin erekshelikter qarastyrylǵan.
Tramp 18 qyrkúiekte sanktsiialardy kúsheitý týraly zańǵa qol qoiǵan. Alaida onyń jekelegen erejelerin iske asyrýdy ázirge toqtata turý týraly sheshim qabyldanǵan.
Osylaisha, AQSh ákimshiligi Reseige qatysty qosymsha ekonomikalyq qysym jasaý múmkindigin saqtai otyryp, jańa kedendik shekteýlerdi engizýdi keiinge qaldyrǵan.
