قاراعاندى وبلىسىنا جۇمىس ساپارى بارىسىندا توتەنشە جاعدايلار ءمينيسترى گەنەرال-مايور شىڭعىس ءارىنوۆ بۇقار جىراۋ اۋدانىنىڭ بايمىرزا اۋىلىندا جاڭا ەرىكتى ورتكە قارسى پۋنكتتىڭ اشىلۋىنا قاتىستى. ءىس-شاراعا وبلىس اكىمى ەرماعانبەت بولەكپايەۆ، اقساقالدار، ولارمەن قاتار 94 جاستاعى تىل ەڭبەككەرى ابيۋر سادىقوۆ جانە جەرگىلىكتى تۇرعىندار قاتىستى،- دەپ حابارلايدى Dalanews.kz
پۋنكتتىڭ اشىلۋى «اۋىل قۇتقارۋشىلارى» باعدارلاماسى اياسىندا ءوتتى. اۋىل ەرىكتىلەرى ءورت ءسوندىرۋ تەحنيكاسىمەن جانە بايلانىس قۇرالدارىمەن قامتاماسىز ەتىلگەن، بۇل جابدىقتار ۆەدومستۆو تاراپىنان جەرگىلىكتى اتقارۋشى ورگانداردىڭ بالانسىنا بەرىلەدى. عيماراتتا دۋش، دەمالۋ بولمەسى، اس ءۇي جانە اكىمشىلىك بولمەلەر بار. جاڭا پۋنكت ەكى ەلدى مەكەندى قامتىپ، 2000-نان استام ادامدى ءورت قاۋىپىنەن قورعايتىن بولادى.
«بۇگىن بايمىرزا اۋىلىندا جاڭا ەرىكتى ورتكە قارسى قۇرالىم قۇرىلدى. جاقىن ارادا وبلىستا تاعى ءۇش وسىنداي ەرىكتى ورتكە قارسى قۇرالىم ىسكە قوسىلادى. ءبىزدىڭ ماقساتىمىز — اۋىلدىق ايماقتاردا ورتكە قارسى سەنىمدى قورعانىش جۇيەسىن قۇرۋ»، - اتاپ ءوتتى توتەنشە جاعدايلار ءمينيسترى، گەنەرال-مايور شىڭعىس ءارىنوۆ.
قازاقستان تجم «اۋىل قۇتقارۋشىلارى» باعدارلاماسى ازاماتتىق قورعاۋ ينفراقۇرىلىمىن نىعايتۋعا جانە اۋىلدىق جەرلەردە ەرىكتىلەر جەلىسىن كەزەڭ-كەزەڭىمەن كەڭەيتۋگە باعىتتالعان.
