قازاقستان رەسپۋبليكاسى دەنساۋلىق ساقتاۋ مينيسترلٸگٸ ۇلتتىق شۇعىل مەديتسينانى ٷيلەستٸرۋ ورتالىعىمەن بٸرلەسٸپ, ۇلتتىق ۇلاننىڭ بۇرىنعى ەسكەري قىزمەتشٸسٸ مۇحتار ەرباياننىڭ قايتىس بولۋىنا بايلانىستى ونىڭ وتباسى مەن جاقىندارىنا قايعىرا كٶڭٸل ايتتى, دەپ حابارلايدى dalanews.kz.
دسم دەرٸگەرلەر ٷش جىلعا جۋىق ۋاقىت بويى ناۋقاستىڭ ٶمٸرٸن ساقتاپ قالۋ ٷشٸن كٷرەسكەنٸن, الايدا العان اسا اۋىر جاراقاتتارىنىڭ سالدارىنان باس ميىندا قايتىمسىز ٶزگەرٸستەر بولىپ, ناۋقاستىڭ ٶمٸرٸن ساقتاپ قالۋ مٷمكٸن بولماعانىن اتاپ ٶتتٸ.
ناۋقاس مۇحتار ەربايان حاميتۇلى 2023 جىلدان بەرٸ مەرزٸمدٸ ەسكەري قىزمەتٸن ٶتەۋ كەزٸندە العان اۋىر باس-مي جاراقاتىنىڭ سالدارىنان اسا اۋىر جاعدايدا بولدى. ۇزاق ۋاقىت بويى تۇراقتى ۆەگەتاتيۆتٸك كٷي ساقتالدى. رەسپيراتورلىق قولداۋدى قوسا العاندا, قارقىندى تەراپييا جٷرگٸزٸلگەنٸنە قاراماستان, ٶمٸرلٸك ماڭىزدى كٶرسەتكٸشتەردٸڭ بٸرتٸندەپ ناشارلاۋى بايقالدى. اتاپ ايتقاندا, قانداعى وتتەگٸ ساتۋراتسيياسىنىڭ تٶمەندەۋٸ, جٷرەك ىرعاعىنىڭ بۇزىلۋى جەنە گەموديناميكانىڭ تۇراقسىزدىعى تٸركەلدٸ. ناۋقاستىڭ جاعدايى اسا اۋىر كٷيٸندە قالدى, - دەيدٸ ۆەدومستۆو ٶكٸلدەرٸ.
مەديتسينا ماماندارى تاراپىنان بارلىق قاجەتتٸ رەانيماتسييالىق جەنە ەمدٸك ٸس-شارالار كەشەنٸ تولىق كٶلەمدە جٷرگٸزٸلگەن.
ٸشكٸ ٸستەر مينيسترلٸگٸ مەن دەنساۋلىق ساقتاۋ مينيسترلٸگٸنٸڭ بٸرلەسكەن ۇيىمداستىرۋىمەن ناۋقاس ەم الۋ ٷشٸن تٷركييا رەسپۋبليكاسىنا جٸبەرٸلٸپ, وندا باستاپقى دياگنوز راستالدى. 2026 جىلدىڭ ماۋسىم ايىندا نەگٸزگٸ اۋىر سىرقاتتىڭ اياسىندا ينفەكتسييالىق اسقىنۋلار, سەپسيس جەنە كٶپ اعزالىق جەتكٸلٸكسٸزدٸك سيندرومى دامىدى. 2026 جىلعى 23 ماۋسىمدا ساعات 21:40-تا ناۋقاستىڭ بيولوگييالىق ٶلٸمٸ تٸركەلدٸ. ٶلٸمنٸڭ تٸكەلەي سەبەبٸ اۋىر باس-مي جاراقاتىنىڭ سالدارى مەن وعان قوسىلعان اسقىنۋلار اياسىندا دامىعان كٶپ اعزالىق جەتكٸلٸكسٸزدٸك سيندرومى بولدى, - دەلٸنگەن حابارلامادا.
ەربايان ەڭ زاماناۋي مەديتسينالىق جابدىقتارمەن جابدىقتالعان پالاتادا ەم قابىلداعان. وعان زاماناۋي دەرٸلٸك تەراپييا جٷرگٸزٸلٸپ, ەرەكشە كٷتٸم جاعدايلارى قامتاماسىز ەتٸلگەن.
مەديتسينالىق پەرسونال ەمدەۋ مەن كٷتٸمنٸڭ بارلىق قاجەتتٸ كٶلەمٸن قامتاماسىز ەتتٸ. سونداي-اق ناۋقاستىڭ تۋىستارىنىڭ جان ساقتاۋ بٶلٸمشەسٸنە كٸرۋٸنە مٷمكٸندٸك بەرٸلٸپ, ساپالى مەديتسينالىق كٶمەك كٶرسەتۋ ٷشٸن بارلىق قاجەتتٸ جاعداي جاسالدى, - دەيدٸ دسم ٶكٸلدەرٸ.
ەسكە سالساق, ەربايان مۇحتار ەسكەردە جٷرٸپ اۋىر جاراقات العاننان كەيٸن ۇزاق ۋاقىت بويى ٶمٸرٸ ٷشٸن كٷرەستٸ. ونىڭ دەنساۋلىق جاعدايى قوعامدا ٷلكەن رەزونانس تۋدىرىپ, قازاقستاندىقتار ەسكەري بٶلٸمدە بولعان وقيعانىڭ اقيقاتىن اشۋدى, كٸنەلٸلەردٸ جاۋاپقا تارتۋدى تالاپ ەتكەن ەدٸ.
