قاراعاندىلىق بۇرىنعى سۋديا كارلىعاش تەتكەەۆا رەسەي تٶلقۇجاتىن يەلەنگەنٸ بەلگٸلٸ بولدى, دەپ حابارلايدى Dalanews.kz.
بۇل تۋرالى "ۆىحود ك پراۆدە" Telegram-ارناسى مەلٸمدەدٸ.
"اسا ٸرٸ كٶلەمدەگٸ الاياقتىق جاسادى دەپ ايىپتالىپ, ٸزدەۋ جارييالانعان بۇرىنعى قازاقستاندىق سۋديا كٶرشٸ ەل اۋماعىندا جاسىرىنىپ جٷرۋٸ ەبدەن مٷمكٸن.
جارييالانعان دەرەكتەردەن تەتكەەۆانىڭ رەسەي ازاماتتىعىن قاشان العانى بەلگٸسٸز. دەگەنمەن ونىڭ سۋرەتٸ بازاداعى رەسەيلٸك قۇجاتتان الىنعانى انىق كٶرٸنەدٸ. بۇل پاسپورتتاعى فوتوسۋرەت شەتتەرٸندە ورنالاسقان ارنايى بەلگٸلەر ارقىلى دەلەلدەنەدٸ", – دەلٸنگەن حابارلامادا.
تەتكەەۆاعا ٸزدەۋ جارييالانعان سەتتە جاعدايدى جاقسى بٸلەتٸن دەرەككٶزدٸڭ ايتۋىنشا, ول بٸرەۋدٸڭ سوت داۋىن شەشٸپ بەرۋگە ۋەدە ەتٸپ, 500 مىڭ دوللار العان. بٸراق ۋەدەسٸن ورىنداي الماي, اقشانى دەلدالدار ارقىلى قولحاتپەن قايتارعان. الايدا دەلدالدار باستاپقىدا اقشا بەرگەن ادامعا تولىق سومانى قايتارماعاندىقتان, ول پوليتسيياعا ارىز تٷسٸرگەن. مۇنى ەستٸگەن سوڭ, تەتكەەۆا جاسىرىنعان.
ەسكە سالايىق, بۇعان دەيٸن قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ بۇرىنعى سۋدياسى قارلىعاش تەتكەەۆاعا اسا ٸرٸ كٶلەمدە الاياقتىق جاسادى دەگەن كٷدٸكپەن ٸزدەۋ جارييالانعان ەدٸ. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ دانييار بيعايداروۆ مەلٸمدەدٸ.
ۆەدومستۆونىڭ مەلٸمەتٸنشە, ەكس-سۋدياعا قاتىستى قىلمىستىق كودەكستٸڭ 190-بابى 4-بٶلٸگٸ ("الاياقتىق") بويىنشا ٸس قوزعالعان. قارلىعاش تاتكەەۆا بٸرنەشە ادامنىڭ سەنٸمٸنە كٸرٸپ, ٸرٸ كٶلەمدە قارجى يەمدەنگەن بولۋى مٷمكٸن دەگەن بولجام بار.
سىبايلاس جەمقورلىققا قارسى قىزمەت تاتكەەۆانىڭ ناقتى قايدا ەكەنٸن بٸلەتٸن ازاماتتارعا ٷندەۋ جاساپ, كەز كەلگەن اقپارات ٷشٸن انونيمدٸككە جەنە سىياقى تٶلەۋگە كەپٸل بەرٸپ وتىر.
ايتا كەتەيٸك, قارلىعاش تاتكەەۆا جوعارعى سوتتى قازٸرگٸ سەناتور جاقىپ اسانوۆ باسقارعان كەزەڭدە جوعارعى سوت تٶراعاسىنىڭ ازاماتتىق ٸستەر جٶنٸندەگٸ كەڭەسشٸسٸ بولعان. تاتكەەۆا ٶزٸنٸڭ سوت ورگاندارىنداعى جىلدارىندا قاراعاندى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى, سونداي-اق استانا سوتىنىڭ سۋدياسى بولىپ قىزمەت اتقارعان.
قازٸرگٸ تاڭدا قۇقىق قورعاۋ ورگاندارى كٷدٸكتٸنٸڭ جٷرگەن جەرٸن انىقتاۋ جەنە ونى جاۋاپكەرشٸلٸككە تارتۋ باعىتىندا جەدەل ٸزدەستٸرۋ شارالارىن جٷرگٸزٸپ جاتىر.
