26 maýsymda Halyqaralyq aqparattyq tehnologıalar ýnıversıtetiniń 426 túlegi joǵary bilim alǵanyn dáleldeıtin dıplom aldy!
Bul túlektermen maqtanýǵa bolady. Stýdentter oqýǵa túsken alǵashqy kúnnen bastap bilimge degen erekshe qushtarlyq tanytty. Tabysty bolýǵa tyrysty. Alǵashqy kúnnen-aq olımpıadalarda, túrli konkýrstarda úzdikterdiń qatarynan kórindi. Mine, bul bizdiń oqý ornyn aıaqtaǵan túlekterdiń – úshinshi toby!
Dıplom tabystaý rásimi, jyldaǵydaı ońtústik astananyń Rixos Almaty qonaqúıinde ótti.
Túlekterdiń merekesi barysynda jyly lebizder, aqedil tilekter aıtyldy. Oqýyn aıaqtaǵan túlekterge Halyqaralyq aqparattyq tehnologıalar ýnıversıtetiniń negizin qalaýshylardyń biri – Erlan Saǵadıev aqjol tiledi.
Iá, jıynǵa jınalǵan adamdardyń bári tolqýly edi.
Keshe ǵana stýdent jastar, búginde bilikti maman. Túlekter dıplom tapsyrý sátin asyǵa kútti. Alǵashqy bolyp úlken ómirge joldama beretin qujat – sabaqty úzdik oqyǵan jastarǵa, belsendilerǵa, pándik olımpıadalardyń jáne túrli konkýrstardyń jeńimpazdaryna tabystaldy.
Halyqaralyq aqparattyq tehnologıalar ýnıversıtetiniń rektory D. Shynybekov árbir túlektiń qolyn alyp, saltanatty túrde quttyqtady.
Túlekter iri kompanıalar men memlekettik organdardyń jáne belgili adamdardyń qolynan dıplom aldy. Atap aıtsaq olardyń arasynda «Zerde» Ulttyq Aqparattyq komýnıkasıalyq holdıńiniń basqarma tóraǵasy -Bıkesh Qurmanǵalıeva, jastar saıasatyn damytý Memlekettik qorynyń dırektory - Sovet Seıitov, Almaty qalasy jastar máselesi basqarmasy jastar jobasy jáne uıymdastyrýshylyq jumys bólimshesiniń jetekshisi -Oljas Sársekenov, Almaty qalasy Bostandyq aýdany ákiminiń orynbasary- Saıat Aǵybaev, iCarnegie vıse-prezıdenti – Endı Amalfınato; «UAT» AQ zerthanasynyń jetekshisi - Marat Nakýpov, Microsoft kompanıasynyń evangelısti - Andreı Andreev jáne taǵy basqalary bar.
iCarnegie vıse-prezıdenti – Endı Amalfınato óz sózinde: «Men Halyqaralyq İT ýnıversıtetiniń barlyq jetistikterimen jaqsy tanyspyn. Jas ýnıversıtet úshin bul úlken jeńis» dedi.
Dıplom tabystaý rásiminde alǵash ret EMS zertteýler jáne júzege asyrý kompanıasymen memorandýmǵa qol qoıyldy. EMS álemdegi eń iri degen amerıkalyq korporasıa. Óziniń ınovasıalyq ónimderi men qyzmet kórsetý salasy boıynsha EMS bultty tehnologıalardy jetildirýde. Bul óz kezeginde İT bólimshelerine óz aqparatyn berik saqtaýǵa múmkindik beredi.
EMS birlesken túrde bizdiń ýnıversıtette sertıfıkattalǵan mamandar daıarlanady, sonymen birge ortaq stýdenttik jobalar jasalady jáne de ǵylym men óndiristi ıntegrasıalaýǵa múmkindik beretin zerthanalar ashylady.
Az ǵana ýaqyttyń ishinde HATÝ İT salasyndaǵy kóshbasshyǵa aınaldy. Osy ýaqytqa deıin biz 1146 joǵary bilikti maman ázirlep shyqtyq. Bizdiń stýdentterge degen suranys joǵary. 2013 jyly bizdiń oqý ornyn bitirgen stýdentterdiń – 98 paıyzy, 2014 jyly – 95 paıyzy jumysqa turdy.
Al túlekterge dıplom tabystaý sharasy mazmundy ári mándi aıaqtaldy.
2014 jyly Halyqaralyq aqparattyq tehnologıalar ýnıversıteti arnaıy akredıtasıadan ótkennen keıin bizge 500 grant berildi, onyń ishinde «Elektrondy jýrnalısıka, «İT Menejment» jáne «Qarjy salasyndaǵy İT».
Halyqaralyq aqparattyq tehnologıalar
ýnıversıtetiniń baspasóz qyzmeti
