Bul túlektermen maqtanýǵa bolady. Stýdentter oqýǵa túsken alǵashqy kúnnen bastap bilimge degen erekshe qushtarlyq tanytty. Tabysty bolýǵa tyrysty. Alǵashqy kúnnen-aq olimpiadalarda, túrli konkýrstarda úzdikterdiń qatarynan kórindi. Mine, bul bizdiń oqý ornyn aiaqtaǵan túlekterdiń – úshinshi toby!
Túlekterdiń merekesi barysynda jyly lebizder, aqedil tilekter aityldy. Oqýyn aiaqtaǵan túlekterge Halyqaralyq aqparattyq tehnologiialar ýniversitetiniń negizin qalaýshylardyń biri – Erlan Saǵadiev aqjol tiledi.
Iá, jiynǵa jinalǵan adamdardyń bári tolqýly edi.
Keshe ǵana stýdent jastar, búginde bilikti maman. Túlekter diplom tapsyrý sátin asyǵa kútti. Alǵashqy bolyp úlken ómirge joldama beretin qujat – sabaqty úzdik oqyǵan jastarǵa, belsendilerǵa, pándik olimpiadalardyń jáne túrli konkýrstardyń jeńimpazdaryna tabystaldy.
Halyqaralyq aqparattyq tehnologiialar ýniversitetiniń rektory D. Shynybekov árbir túlektiń qolyn alyp, saltanatty túrde quttyqtady.
iCarnegie vitse-prezidenti – Endi Amalfinato óz sózinde: «Men Halyqaralyq IT ýniversitetiniń barlyq jetistikterimen jaqsy tanyspyn. Jas ýniversitet úshin bul úlken jeńis» dedi.
Diplom tabystaý rásiminde alǵash ret EMS zertteýler jáne júzege asyrý kompaniiasymen memorandýmǵa qol qoiyldy. EMS álemdegi eń iri degen amerikalyq korporatsiia. Óziniń innovatsiialyq ónimderi men qyzmet kórsetý salasy boiynsha EMS bultty tehnologiialardy jetildirýde. Bul óz kezeginde IT bólimshelerine óz aqparatyn berik saqtaýǵa múmkindik beredi.
Az ǵana ýaqyttyń ishinde HATÝ IT salasyndaǵy kóshbasshyǵa ainaldy. Osy ýaqytqa deiin biz 1146 joǵary bilikti maman ázirlep shyqtyq. Bizdiń stýdentterge degen suranys joǵary. 2013 jyly bizdiń oqý ornyn bitirgen stýdentterdiń – 98 paiyzy, 2014 jyly – 95 paiyzy jumysqa turdy.
Al túlekterge diplom tabystaý sharasy mazmundy ári mándi aiaqtaldy.
2014 jyly Halyqaralyq aqparattyq tehnologiialar ýniversiteti arnaiy akkreditatsiiadan ótkennen keiin bizge 500 grant berildi, onyń ishinde «Elektrondy jýrnalistika, «IT Menedjment» jáne «Qarjy salasyndaǵy IT».
Halyqaralyq aqparattyq tehnologiialar
ýniversitetiniń baspasóz qyzmeti
